នៅថ្ងៃទី 18 ខែមិថុនានេះបើយោងតាម ​​​​Bitcoin.com លោក Elon Musk ត្រូវបានគេចោទប្រកាន់ពីបទគ្រប់គ្រងតម្លៃរបស់ Dogecoin កាលពីខែមិថុនាឆ្នាំមុនដែលធ្វើឱ្យប៉ះពាល់ដល់ផលប្រយោជន៍របស់អ្នកវិនិយោគទូទៅ។ ដើមបណ្តឹងបានដាក់ពាក្យបណ្តឹងនៅខែមិថុនា ឆ្នាំ 2022 ដោយទទូចថា Elon Musk បានចូលរួមក្នុង "ការគ្រប់គ្រងគម្រោង DOGE " និង ជា "DOGE whale" ។ ដោយម្ចាស់បណ្តឹងដើមបាននិយាយថា "ខ្លួននិងសមូហភាពបានខាតបង់ប្រហែល 86 ពាន់លានដុល្លារនៅក្នុង "ការគ្រប់គ្រងគម្រោង DOGE " មួយនេះ" ។ បន្ទាប់ពីមានបណ្ដឹងមួយនេះមេធាវីរបស់ ELon Musk លោក Alex Spiro បានព្យាយាមច្រានចោលករណីនេះ ហើយលើកហេតុផលថាបា Elon Musk មិនមែនជា "DOGE whale" ដូចអ្វីគ្រប់គ្នាគិតនោះទេ។ ហើយអ្នកដែលចោទប្រកាន់ថា Elon Musk ជាម្ចាស់កាបូបនៃ "DOGE whale" នោះគឺ "គ្មានមូលដ្ឋានច្បាស់លាស់ទេ" ដោយលើកហេតុផលថា មិនមានអ្វីខុសជាមួយនឹងច្បាប់ដោយគ្រាន់តែបង្ហោះសារអំពីរូបិយប័ណ្ណគ្រីបតូនោះទេ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap