លទ្ធផលសំខាន់ៗពីការស្ទង់មតិ ការស្ទង់មតិដ៏ធំបំផុតរបស់ Harris Poll ដែលធ្វើឡើងសម្រាប់ National Cryptocurrency Association (NCA) បានរកឃើញថា 55 លាននាក់ (21% នៃមនុស្សពេញវ័យអាមេរិក) កាន់រូបិយប័ណ្ណគ្រីបតូ (Crypto)។ ក្នុងចំណោមនេះ 76% និយាយថា គ្រីបតូជួយធ្វើឱ្យជីវិតពួកគេប្រសើរឡើង ដូចជា៖ - មានសេរីភាពផ្នែកហិរញ្ញវត្ថុច្រើនជាងមុន (49%) - រៀនរបស់ថ្មី (45%) - រំភើបនឹងបច្ចេកវិទ្យាថ្មី (45%) អ្នកកាន់គ្រីបតូមានភាពចម្រុះ - ភេទ៖ បុរស (67%) នៅតែច្រើនជាងស្ត្រី (31%) ប៉ុន្តែស្ត្រីចាប់ផ្តើមចូលរួមកាន់តែច្រើន។ - អាយុ៖ ភាគច្រើន (67%) អាយុក្រោម 45 ឆ្នាំ ប៉ុន្តែ 15% លើស 55 ឆ្នាំ។ - ចំណូល៖ 26% នៃអ្នកកាន់គ្រីបតូរកបានតិចជាង $75,000 ក្នុងមួយឆ្នាំ។ នេះបង្ហាញថា គ្រីបតូងាយស្រួលចូលដល់សម្រាប់អ្នកចំណូលទាប។ - ឧស្សាហកម្ម៖ អ្នកធ្វើការសំណង់ (12%) ចូលរួមច្រើនជាងអ្នកធ្វើការហិរញ្ញវត្ថុ (7%)។ គ្រីបតូត្រូវបានប្រើដើម្បីអ្វី? - ទិញទំនិញ៖ 39% ប្រើគ្រីបតូទិញរបស់។ - ផ្ញើប្រាក់៖ 31% ផ្ញើគ្រីបតូទៅមិត្តភក្តិ ឬគ្រួសារ។ - គ្រីបតូពេញនិយម៖ Bitcoin (85%) និង Ethereum (58%) ជាជម្រើសចម្បង។ អ្វីទៀតដែលគួរដឹង? - ទំនុកចិត្ត៖ 76% ជឿជាក់គ្រីបតូស្មើ ឬច្រើនជាងធនាគារបែបប្រពៃណី។ - ច្បាប់៖ 64% ចង់ឱ្យរដ្ឋាភិបាលគ្រប់គ្រងគ្រីបតូ ប៉ុន្តែ 67% ខ្លាចថាច្បាប់អាចរារាំងការច្នៃប្រឌិត។ - ចំណាប់អារម្មណ៍៖ 81% ចង់ស្វែងយល់បន្ថែម ហើយ 40% តាមដានព័ត៌មានគ្រីបតូរៀងរាល់ថ្ងៃ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap