ប្រធាន​ផ្នែក​សន្តិសុខ (CSO) របស់ Binance លោក Jimmy Su បាន​លើកឡើង​ថា Hackers ជនជាតិ​កូរ៉េខាងជើង ធ្វើ ពុតជា​អ្នកដាក់ពាក្យ​ធ្វើការ រៀងរាល់ថ្ងៃ​ដើម្បី​ព្យាយាម​ជ្រៀតចូល​ក្រុមហ៊ុន ហើយ​ពួកគេ​បាន​ក្លាយជា ការគំរាមកំហែង ដ៏​ធំ​បំផុត​មួយ​ចំពោះ វិស័យ​គ្រីបតូ ជាពិសេស ក្រុម Lazarus ។ យោងតាម​ស្ថិតិ hackers ជនជាតិ​កូរ៉េខាងជើង បាន​លួច​បាន $1.34 ពាន់លានដុល្លារ កាលពី​ឆ្នាំមុន ហើយ​បាន​លួច​បាន $1.6 ពាន់លានដុល្លារ ក្នុង​ឆ្នាំនេះ។ Hackers ទាំងនេះ​ប្រើ បច្ចេកវិទ្យា AI ដើម្បី ក្លែងបន្លំ​អត្តសញ្ញាណ របស់​ពួកគេ ដូចជា​ប្រើ ឧបករណ៍​បំប្លែង​សំឡេង និង វីដេអូ deepfake ដើម្បី​ទទួល​បាន ទំនុកចិត្ត។ ពួកគេ​ក៏​វាយប្រហារ​ឧបករណ៍​របស់ បុគ្គលិក តាមរយៈ ការ​បំពុល public code repository និង ការ​ក្លែងបន្លំ​ការអញ្ជើញ​ឱ្យ​ធ្វើការ ផងដែរ។ លោក Jimmy Su បាន​បង្ហើប​ថា Binance ច្រានចោល CV គួរឱ្យ​សង្ស័យ​រៀងរាល់ថ្ងៃ ដែល​ភាគច្រើន​ប្រើ template ជាក់លាក់ និង​មាន ឈ្មោះ​ត្រកូល ជា ភាសា​ជប៉ុន ឬ ចិន។ ជាមួយនឹង បច្ចេកវិទ្យា AI hackers ទាំងនេះ​អាច​ក្លែងបន្លំ​ជា អ្នកអភិវឌ្ឍន៍ មកពី អឺរ៉ុប ឬ មជ្ឈិមបូព៌ា។ ទោះយ៉ាងណាក៏ដោយ ការ​តភ្ជាប់​អ៊ីនធឺណិត របស់​ពួកគេ​តែងតែ យឺត ដែល​ជា តម្រុយ ដ៏​សំខាន់​មួយ​សម្រាប់ ការ​កំណត់​អត្តសញ្ញាណ

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap