ឪពុកម្តាយ នៅចិនប្រកាស ផ្តល់រង្វាន់ផ្ទះមួយខ្នង ដើម្បីស្វែងរក កូនដែលត្រូវបានគេចាប់យកទៅអស់រយៈពេល 26 ឆ្នាំ!

CamboSwap

2025-08-19

50 View

ប្រភព: udn.com

នៅប្រទេសចិន ឪពុកម្តាយ ជាច្រើននៅតែបន្ត ស្វែងរកកូន ដែលត្រូវបាន ចាប់ជំរិត អស់រយៈពេលជាច្រើនឆ្នាំ។ បច្ចុប្បន្ន ឪពុកម្តាយ មួយគូបានប្រកាសផ្តល់ រង្វាន់ជាផ្ទះ មួយខ្នងក្នុង ទីក្រុង Shanghai ដើម្បីជា តម្លៃថ្នូរ សម្រាប់ ព័ត៌មានដែលអាចនាំឱ្យពួកគេរកឃើញកូនប្រុស ដែលត្រូវបាន ចាប់ជំរិត អស់រយៈពេល 26 ឆ្នាំ មកហើយ។

យោងតាម Dahe News បានឱ្យដឹងថានៅថ្ងៃទី 26 ខែសីហា ឆ្នាំ 1999 លោកស្រី Tang Weihua បាន បាត់បង់កូនប្រុស អាយុ 4 ឆ្នាំ ឈ្មោះ Wang Lei ក្នុងហាងរបស់ខ្លួននៅ ទីក្រុង Shanghai។ កុមាររងគ្រោះត្រូវបាន ចាប់ពង្រត់ ដោយ បុគ្គលិក របស់ហាងឈ្មោះ Lu ដែលត្រូវបាន ចាប់ខ្លួន មួយខែក្រោយមកនៅ ទីក្រុង Liuzhou ខេត្ត Guangxi ប៉ុន្តែ Wang Lei នៅតែ បាត់ខ្លួន។ ទោះបីជា Lu ត្រូវបាន កាត់ទោសដាក់ពន្ធនាគារ អស់មួយជីវិតពីបទ ចាប់ជំរិត ប៉ុន្តែត្រូវបាន ដោះលែង នៅខែវិច្ឆិកា ឆ្នាំ 2022 បន្ទាប់ពីទទួលបាន ការកាត់បន្ថយទោស ។ អស់រយៈពេល 26 ឆ្នាំ មកនេះ លោកស្រី Tang Weihua បានលះបង់ស្ទើរតែមួយជីវិតរបស់ខ្លួនក្នុង ការស្វែងរកកូន ដោយ ធ្វើដំណើរ ទៅមករវាង Guangxi និង Shanghai ជាច្រើនដង។ ការប្រកាសផ្តល់រង្វាន់ ជា ផ្ទះ ត្រូវបាន គ្រួសារទាំងមូលគាំទ្រ ដោយលោកស្រី Tang Weihua បាននិយាយថាផ្ទះនេះគឺជា កេរ្តិ៍ដំណែល របស់ ជីតា កុមាររងគ្រោះ ដែល មានបំណងប្រាថ្នា ចង់ឱ្យចៅបាន ត្រឡប់មកផ្ទះ។ ទោះបីជា ព័ត៌មាន ដែលបានទទួលពីប្រភពផ្សេងៗមិនទាន់បានជោគជ័យក៏ដោយ ក៏ លោកស្រី នៅតែ បន្តស្វែងរក និងមិនបោះបង់ចោលឡើយ។