Bitcoin ធ្លាក់ក្រោម $113,000 ដុល្លារអាមេរិក ខណៈភាគហ៊ុនបច្ចេកវិទ្យាធំៗនៅអាមេរិកដាំក្បាលចុះ

CamboSwap

2025-08-20

328 View

ថ្ងៃទី 20 ខែសីហា ឆ្នាំ 2025 បានឱ្យដឹងថា ទីផ្សាររូបិយប័ណ្ណគ្រីបតូបានទទួលរងនូវសម្ពាធធ្លាក់ចុះជាថ្មី បន្ទាប់ពីភាគហ៊ុនបច្ចេកវិទ្យានៅ Wall Street ក្នុងសហរដ្ឋអាមេរិកបានធ្លាក់ចុះយ៉ាងខ្លាំងកាលពីយប់មិញ។ តម្លៃ Bitcoin ធ្លាក់ដល់ក្រោម $113,000 ដុល្លារអាមេរិកនៅម៉ោងប្រហែល 7:45 ព្រឹក ខណៈតម្លៃ Ethereum ក៏បានចុះមកជិត $4,000 ដុល្លារអាមេរិកផងដែរ។ ការធ្លាក់ចុះនេះបានកើតឡើងស្របពេលដែលទីផ្សារភាគហ៊ុននៅអាមេរិកមានការលក់ចេញយ៉ាងច្រើន ជាពិសេសទៅលើភាគហ៊ុនបច្ចេកវិទ្យា និងបន្ទះឈីបធំៗ។ ភាគហ៊ុន NVIDIA ធ្លាក់ 3.5% ខណៈ AMD និង Broadcom ធ្លាក់ 5.44% និង 3.55%។ ភាគហ៊ុនបច្ចេកវិទ្យាផ្សេងទៀតដូចជា Tesla និង Meta ក៏បានធ្លាក់ចុះផងដែរ។ ទោះជាយ៉ាងណាក៏ដោយ សន្ទស្សន៍ Dow Jones Industrial Average បានកើនឡើងបន្តិចបន្តួច 0.02% ។ ការធ្លាក់ចុះនៃទីផ្សារនេះកើតឡើងមុនពេលកិច្ចប្រជុំប្រចាំឆ្នាំរបស់ធនាគារកណ្តាលទូទាំងពិភពលោក (Jackson Hole Symposium) ដែលនឹងប្រព្រឹត្តទៅពីថ្ងៃទី 21 ដល់ទី 23 ខែសីហា។ ទីផ្សារកំពុងរង់ចាំការថ្លែងសុន្ទរកថារបស់ប្រធានធនាគារកណ្តាលអាមេរិក (Fed) លោក Jerome Powell ដែលត្រូវបានរំពឹងទុកថានឹងបញ្ជាក់ពីការបន្តកាត់បន្ថយអត្រាការប្រាក់។ ការថ្លែងរបស់លោកអាចនឹងមានឥទ្ធិពលយ៉ាងខ្លាំងទៅលើទីផ្សារភាគហ៊ុន និងគ្រីបតូ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap

ប្រចាំសប្តាហ៍