​ថ្ងៃ​ទី 31 ខែ​សីហា ឆ្នាំ 2025 ទីផ្សារ​រូបិយប័ណ្ណ​គ្រីបតូ​បាន​ងើប​ឡើង​វិញ​បន្តិច​បន្ទាប់ពី​ការ​ប្រែប្រួល​តម្លៃ​កាលពី​សប្តាហ៍​មុន។ តម្លៃ Bitcoin (BTC) បាន​កើន​ឡើង​ដល់​ជាង $109,000 ដុល្លារ​អាមេរិក ខណៈ​តម្លៃ Ethereum (ETH) បាន​ទម្លុះ​ដល់​ជាង $4,450 ដុល្លារ​អាមេរិក។ ទោះបីជា​ទីផ្សារ​សរុប​បាន​ងើប​ឡើង​ដល់ $3.87 ទ្រីលាន​ដុល្លារ​វិញ​ក៏ដោយ ក៏​វិនិយោគិន​នៅ​តែ​មាន​ការ​ប្រុងប្រយ័ត្ន​ខ្ពស់ ហើយ​កំពុង​រង់ចាំ​ទិន្នន័យ​សេដ្ឋកិច្ច​របស់​សហរដ្ឋអាមេរិក​នៅ​សប្តាហ៍​ក្រោយ។ ពី​ទស្សនៈ​បច្ចេកទេស តម្លៃ Bitcoin ដែល​បរាជ័យ​ក្នុង​ការ​ឡើង​ដល់​ចំណុច​ខ្ពស់​បំផុត​ជាច្រើន​ដង បាន​បង្ហាញ​ពី​លំនាំ​នៃ "ទម្រង់​កំពូល​ទ្វេ​ដង" (Double Top) ដែល​អាច​ជា​សញ្ញា​ព្រមាន​មួយ។ ប្រសិនបើ​តម្លៃ​ធ្លាក់​ក្រោម $108,000 ដុល្លារ​អាមេរិក នោះ​អាច​នឹង​មាន​ការ​ធ្លាក់​ចុះ​ទៅ​ដល់ $100,000 ដុល្លារ​អាមេរិក​វិញ។ ផ្ទុយ​ទៅ​វិញ បើ​អាច​ឡើង​ដល់​លើ $117,570 ដុល្លារ​អាមេរិក នោះ​លំនាំ​ធ្លាក់​ចុះ​នេះ​នឹង​ត្រូវ​បាន​លុប​ចោល។ ដោយសារ​តែ​ភាព​រឹងមាំ​របស់ Ethereum នោះ​តម្លៃ​នៃ​កាក់​តូចៗ (Altcoins) មួយ​ចំនួន​ក៏បាន​កើន​ឡើង​គួរ​ឱ្យ​កត់សម្គាល់​ផង​ដែរ ដូចជា DOLO (49.2%), AXS (21.6%) និង JOE (16%)។ ទោះជា​យ៉ាងណា ទំហំ​នៃ​ការ​ជួញដូរ​នៅ​តែ​មាន​កម្រិត ដែល​នេះ​បង្ហាញ​ថា​កម្លាំង​ទិញ​មិនទាន់​ខ្លាំង​នៅ​ឡើយ​ទេ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap