គណៈកម្មការមូលបត្រអាមេរិក (SEC) បង្កើតក្រុមការងារពិសេសដើម្បីប្រយុទ្ធប្រឆាំងនឹងការបោកប្រាស់វិនិយោគិនឆ្លងដែនប្រទេស
CamboSwap
2025-09-07
1102 View
យោងតាមសេចក្តីប្រកាសផ្លូវការរបស់គណៈកម្មការមូលបត្រអាមេរិក (SEC) បានឱ្យដឹងថា ស្ថាប័ននេះបានបង្កើតក្រុមការងារពិសេសមួយដើម្បីប្រយុទ្ធប្រឆាំងនឹងអំពើឆបោកដែលបង្កគ្រោះថ្នាក់ដល់វិនិយោគិនអាមេរិក តាមរយៈការជួញដូរឆ្លងប្រទេស។ ក្រុមការងារនេះនឹងផ្តោតលើការស៊ើបអង្កេតទៅលើការរំលោភបំពានច្បាប់មូលបត្រសហព័ន្ធអាមេរិក ជាពិសេសករណីដែលពាក់ព័ន្ធនឹងក្រុមហ៊ុនបរទេស។ ការងារដំបូងរបស់ក្រុមការងារពិសេសនេះ គឺផ្តោតលើការស៊ើបអង្កេតទៅលើសកម្មភាពដែលអាចជាការបិទបាំងទីផ្សារ (market manipulation) ដូចជាការបំប៉ោងតម្លៃភាគហ៊ុន (pump-and-dump) ជាដើម។ លើសពីនេះ ក្រុមការងារក៏នឹងផ្តោតលើ "អ្នកចាំទ្វារ" (gatekeepers) ដូចជាក្រុមហ៊ុនសវនកម្ម និងអ្នកធានារ៉ាប់រង (underwriters) ដែលបានជួយក្រុមហ៊ុនទាំងនោះឱ្យចូលក្នុងទីផ្សារមូលធនអាមេរិក។ ប្រធានគណៈកម្មការ SEC លោក Paul Atkins បានថ្លែងថា ពួកគេស្វាគមន៍ក្រុមហ៊ុនពីទូទាំងពិភពលោកឱ្យចូលក្នុងទីផ្សារមូលធនអាមេរិក ប៉ុន្តែនឹងមិនអត់ឱនឱ្យចំពោះអ្នកដែលព្យាយាមប្រើប្រាស់ព្រំដែនអន្តរជាតិដើម្បីគេចវេះពីការការពារវិនិយោគិនអាមេរិកនោះទេ។ ក្រុមការងារថ្មីនេះនឹងពង្រឹងការងាររបស់ SEC និងប្រើប្រាស់ឧបករណ៍គ្រប់ប្រភេទដើម្បីប្រយុទ្ធប្រឆាំងនឹងអំពើឆបោកអន្តរជាតិ។
ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។
- Camboswap
អត្ថបទកំពុងចរាចរណ៍
Related Article
