ព័ត៌មាននៅថ្ងៃទី២៥ ខែឧសភា FBI បានចេញការព្រមានអំពីហានិភ័យនៃការផ្សាយពាណិជ្ជកម្មការងារមិនពិតដែលភ្ជាប់នឹងទៅការបោកប្រាស់នៅអាស៊ីអាគ្នេយ៍ ដែលបង្ខំអោយជនរងគ្រោះធ្វើការបោកប្រាស់ក្នុងវិស័យគ្រីបតូបែបអន្តរជាតិ។ FBI បានបញ្ជាក់ថាឧក្រិដ្ឋជនបានបង្ហោះការផ្សាយពាណិជ្ជកម្មការងារក្លែងក្លាយនៅលើប្រព័ន្ធផ្សព្វផ្សាយសង្គម និងគេហទំព័រការងារអនឡាញ ដែលគ្របដណ្តប់ការងារដូចជាជំនួយផ្នែកបច្ចេកវិទ្យា សេវាបម្រើអតិថិជនរបស់មជ្ឈមណ្ឌលហៅទូរសព្ទ និងអ្នកបច្ចេកទេសហាងកែសម្ផស្ស ដោយអះអាងថាអ្នកស្វែងរកការងារនឹងទទួលបានប្រាក់ខែខ្ពៃ់អត្ថប្រយោជន៍ផ្សេងៗ ការចំណាយលើការធ្វើដំណើរ និងការស្នាក់នៅ។ នៅពេលដែលអ្នកស្វែងរកការងារធ្វើដំណើរទៅដល់ក្រៅប្រទេស ឧក្រិដ្ឋជនប្រើវិធីសាស្រ្តជាច្រើនដើម្បីបង្ខិតបង្ខំពួកគេឱ្យអនុវត្តគម្រោងបោកប្រាស់ក្នុងវិស័យគ្រីបតូបែបអន្តរជាតិ ដូចជាការរឹបអូសលិខិតឆ្លងដែន និងឯកសារធ្វើដំណើរ ការគំរាមកំហែងនៃអំពើហិង្សាទាំងស្រុង។ ប្រសិនបើជនរងគ្រោះមិនព្រមធ្វើការបោកប្រាស់នោះទេ ឧក្រិដ្ឋជននឹងអោយជនរងគ្រោះសងសំណងដូចជាការចំណាយលើការធ្វើដំណើរ ជិះយន្តហោះ ការស្នាក់នៅ។ល។ បើសិនជាជនរងគ្រោះគ្មានលុយសងសំណងនោះទេនឹងត្រូវធ្វើការសងបំណុលទាំងនេះហើយ អាចនឹងត្រូវឧក្រិដ្ឋជនលក់ ទៅបរិវេណមួយទៀតបន្តធ្វើការបោកប្រាស់ដើម្បីសងបំណុលរបស់ពួកគេ។

ប្រភព: https://www.ic3.gov/Media/Y2023/PSA230522#fn2

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap