Nasdaq កំពុងព្យាយាមដាក់ឱ្យដំណើរការការជួញដូរមូលបត្រជាទម្រង់ Token
CamboSwap
2025-09-09
97 View
យោងតាមរបាយការណ៍ពី Golden Ten Data ចុះថ្ងៃទី 9 ខែកញ្ញា ឆ្នាំ 2025 បានឱ្យដឹងថា ក្រុមហ៊ុន Nasdaq ដែលជាទីផ្សារភាគហ៊ុនដ៏ធំមួយនៅអាមេរិក កំពុងតែធ្វើការជាមួយនិយតករអាមេរិកដើម្បីដាក់ឱ្យដំណើរការការជួញដូរ "មូលបត្រជាទម្រង់ Token" (tokenized securities)។ នេះជាជំហានថ្មីមួយរបស់ក្រុមហ៊ុនហិរញ្ញវត្ថុនៅ Wall Street ដែលកំពុងចាប់អារម្មណ៍យ៉ាងខ្លាំងលើបច្ចេកវិទ្យា Tokenization។ ប្រសិនបើការស្នើសុំនេះត្រូវបានអនុម័ត នោះវានឹងក្លាយជាលើកដំបូងដែលមូលបត្រប្រភេទនេះត្រូវបានអនុញ្ញាតឱ្យជួញដូរនៅលើទីផ្សារមូលបត្រដ៏សំខាន់របស់សហរដ្ឋអាមេរិក។ Nasdaq បានដាក់សំណើទៅគណៈកម្មការមូលបត្រអាមេរិក (SEC) ដើម្បីកែប្រែច្បាប់ដែលអនុញ្ញាតឱ្យភាគហ៊ុន និងផលិតផលជួញដូរនៅក្នុងផ្សារហ៊ុន (ETP) អាចជួញដូរជាទម្រង់ឌីជីថល ឬ Token នៅលើទីផ្សាររបស់ខ្លួន។ ក្រុមហ៊ុន Nasdaq បានលើកឡើងនៅក្នុងឯកសារថា ខ្លួនជឿជាក់ថា ទីផ្សារអាចប្រើប្រាស់បច្ចេកវិទ្យា Tokenization ដោយនៅតែរក្សាបាននូវអត្ថប្រយោជន៍ និងការការពាររបស់ប្រព័ន្ធទីផ្សារជាតិ។ 📝 ដំណឹងនេះបានកើតឡើងប៉ុន្មានថ្ងៃបន្ទាប់ពី SEC បានប្រកាសថាខ្លួនអាចនឹងពិចារណាកែប្រែច្បាប់ដើម្បីអនុញ្ញាតឱ្យរូបិយប័ណ្ណគ្រីបតូជួញដូរនៅលើទីផ្សារមូលបត្រជាតិ។
ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។
- Camboswap
អត្ថបទកំពុងចរាចរណ៍
