ធនាគារកណ្តាលរុស្ស៊ីចាប់អារម្មណ៍លើ "ដំណោះស្រាយ Tokenization" ដើម្បីអនុញ្ញាតឱ្យបរទេសទិញភាគហ៊ុនក្រុមហ៊ុនរុស្ស៊ី
CamboSwap
2025-10-13
4019 View
.png)
ថ្ងៃទី 13 ខែតុលា ឆ្នាំ 2025 ធនាគារកណ្តាលរុស្ស៊ីបានបង្ហាញចំណាប់អារម្មណ៍ក្នុងការប្រើប្រាស់ "ដំណោះស្រាយ Tokenization" ដើម្បីអនុញ្ញាតឱ្យវិនិយោគិនបរទេសអាចទិញភាគហ៊ុនរបស់ក្រុមហ៊ុនក្នុងស្រុករុស្ស៊ី។ អនុប្រធានទីមួយនៃធនាគារកណ្តាលរុស្ស៊ី លោក Vladimir Chistyukhin បានលើកឡើងនៅក្នុងវេទិកាហិរញ្ញវត្ថុថា Tokenization គឺជា "ជម្រើសដែលអាចធ្វើទៅបាន"។ លោកបានបញ្ជាក់ថា សម្រាប់ការអនុវត្តបាន រុស្ស៊ីត្រូវការដៃគូនៅបរទេសដើម្បីផ្តល់ដំណោះស្រាយបច្ចេកទេស និងវេទិកា។ ស្ថាប័នបរទេសទាំងនោះនឹងទទួលខុសត្រូវក្នុងការបំប្លែងទ្រព្យសកម្មរបស់រុស្ស៊ីទៅជា Token និងជួញដូរនៅក្រៅប្រទេស។ គំនិតនេះស្រដៀងទៅនឹងអ្វីដែលប្រធានក្រុមប្រឹក្សាត្រួតពិនិត្យនៃទីផ្សារជួញដូរម៉ូស្គូ (Moscow Exchange) លោក Sergei Shvetsov បានលើកឡើងកាលពីខែកញ្ញាថា Tokenization អាចជាដំណោះស្រាយក្នុងការ គេចវេះពីទណ្ឌកម្ម ដែលដាក់ដោយប្រទេសលោកខាងលិច ដោយសារតែវាមិនពឹងផ្អែកលើ "ហេដ្ឋារចនាសម្ព័ន្ធដែលរងទណ្ឌកម្ម"។ មន្ត្រីមកពី Sovcombank បានគាំទ្រគម្រោងនេះ ដោយយល់ថាវាជាឧបករណ៍ដ៏ល្អសម្រាប់វិនិយោគិនមកពីប្រទេស BRICS ឬប្រទេស "មិត្តភាព" ផ្សេងទៀតដូចជា UAE, កាហ្សាក់ស្ថាន និងអាមេនី។
ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។
- Camboswap
អត្ថបទកំពុងចរាចរណ៍
Related Article
SEC ជិតអនុម័ត Spot ETF សម្រាប់ Solana, XRP, Dogecoin, ADA និងគ្រីបតូផ្សេងៗទៀត
បន្ទាប់ពី Apple លើកឡើងយ៉ាងខ្លីៗក្នុងរយៈពេល 3 វិនាទីអំពី Render Network បានធ្វើឱ្យតម្លៃ $RNDR បានកើនឡើង 11%
.png)