ថ្ងៃទី 19 ខែមីនា ឆ្នាំ 2026 – ទីផ្សាររូបិយប័ណ្ណឌីជីថល បានជួបប្រទះការប្រែប្រួលតម្លៃយ៉ាងគំហុកនៅយប់ថ្ងៃទី 18 ខែមីនា ដោយបានរុញច្រានតម្លៃ Bitcoin ឱ្យធ្លាក់ចុះក្រោម 71,000 ដុល្លារ និងបណ្ដាលឱ្យអ្នកជួញដូរ Future រងការ "ដាច់ Account" សរុបប្រមាណ 300 លានដុល្លារ ក្នុងរយៈពេលត្រឹមតែ 4 ម៉ោង។ យោងតាមការវិភាគ មូលហេតុចម្បងៗរួមមាន៖ • សម្ពាធអតិផរណានៅអាមេរិក៖ ទិន្នន័យ PPI ខ្ពស់ជាងការរំពឹងទុក បានធ្វើឱ្យក្ដីសង្ឃឹមលើការបញ្ចុះអត្រាការប្រាក់របស់ Fed ត្រូវរលាយសាបសូន្យ។ • ភាពតានតឹងនៅមជ្ឈិមបូព៌ា៖ ជម្លោះរវាងអ៊ីស្រាអែល និងអ៊ីរ៉ង់ បានរុញតម្លៃប្រេងឱ្យហក់ឡើងលើស 100 ដុល្លារ ដែលធ្វើឱ្យអ្នកវិនិយោគដកទុនចេញពីទ្រព្យសកម្មហានិភ័យ។ • បញ្ហានយោបាយ និងច្បាប់គ្រីបតូ៖ ការជាប់គាំងនៃច្បាប់ CLARITY Act នៅសភាអាមេរិក បានបន្ថែមសម្ពាធអវិជ្ជមានដល់ចិត្តសាស្ត្រទីផ្សារ។ • ការខាតបង់ទ្រង់ទ្រាយធំ៖ ការធ្លាក់ចុះនេះបានធ្វើឱ្យអ្នកដែល Long Positions បាត់បង់ថវិកាសរុបដល់ទៅ 274 លានដុល្លារ ដែលក្នុងនោះមានអ្នកជួញដូរជាង 11 ម៉ឺននាក់បានរងផលប៉ះពាល់។ បងៗគួរបង្កើនការប្រុងប្រយ័ត្នខ្ពស់ ចៀសវាងការប្រើ Leverage ហួសប្រមាណ និងត្រូវតាមដានព័ត៌មានសង្គ្រាមឱ្យបានជាប់លាប់ ព្រោះវាជាកត្តាកំណត់ទិសដៅទីផ្សារនាពេលនេះ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap