ថ្ងៃទី 20 ខែមីនា ឆ្នាំ 2026 – ដោយសម្ពាធពីធនាគារកណ្ដាលអាមេរិក (Fed) និងភាពតានតឹងនៃសង្គ្រាមនៅមជ្ឈិមបូព៌ា បានធ្វើឱ្យទីផ្សាររូបិយប័ណ្ណឌីជីថលរងការដាំក្បាលចុះយ៉ាងខ្លាំង។ ក្នុងរយៈពេល 24 ម៉ោងចុងក្រោយ តម្លៃ Bitcoin បានធ្លាក់ចុះក្រោម $70,000 ដោយចុះមកប៉ះចំណុចទាបបំផុតក្នុងរង្វង់ 68,934 ដុល្លារ។ ព្រឹត្តិការណ៍នេះបានបង្កឱ្យមានផលប៉ះពាល់យ៉ាងធ្ងន់ធ្ងរដល់អ្នកជួញដូរ រួមមាន៖ • ការខាតបង់មហិមា៖ អ្នក Trade Future ជិត 13 ម៉ឺននាក់ បានរងការ "ដាច់ Account" (Liquidation) ដែលមានតម្លៃសរុបប្រមាណ 458 លានដុល្លារ។ ក្នុងនោះ 82% គឺជាអ្នកដែលបានបើកបញ្ជាទិញឡើង (Long Positions)។ • ឥទ្ធិពលពី Fed៖ របាយការណ៍ FOMC បង្ហាញពីជំហររឹងត្អឹង (Hawkish) ដោយអាចនឹងមិនមានការបញ្ចុះអត្រាការប្រាក់ច្រើនដងដូចការរំពឹងទុក ដែលធ្វើឱ្យវិនិយោគិនបាត់បង់ទំនុកចិត្ត។ • ការធ្លាក់ចុះនៃទ្រព្យសកម្មផ្សេងៗ៖ មិនត្រឹមតែ Bitcoin ទេ សូម្បីតែមាសក៏បានធ្លាក់ចុះក្រោម 4,600 ដុល្លារ និងប្រាក់ (Silver) បានធ្លាក់ចុះជាង 10% ក្នុងថ្ងៃតែមួយ ដែលបង្ហាញពីការដកទុនចេញពីទ្រព្យសកម្មស្ទើរគ្រប់ប្រភេទ។ • សន្ទស្សន៍ភ័យខ្លាច (Fear & Greed Index)៖ បានធ្លាក់ចុះមកកម្រិត 23 ដែលបញ្ជាក់ថាទីផ្សារកំពុងស្ថិតក្នុងស្ថានភាព "ភ័យខ្លាចខ្លាំងបំផុត" (Extreme Fear)។ បច្ចុប្បន្ន តម្លៃ Bitcoin កំពុងស្ថិតក្នុងតំបន់ប្រយុទ្ធដ៏សំខាន់ក្បែរ 70,000 ដុល្លារ ខណៈដែលអ្នកជំនាញរំពឹងថាទីផ្សារនឹងបន្តមានភាពប្រែប្រួលខ្លាំង ស្របពេលមានកិច្ចសន្យា Option តម្លៃជិត 2 ពាន់លានដុល្លារនឹងត្រូវផុតកំណត់នៅថ្ងៃនេះ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap