តារាល្បីៗ ជាច្រើននឹងក្លាយជាអ្នកវិនិច្ឆ័យសម្រាប់ស៊េរី NFT នាពេលខាងមុខដែលបង្ហាញពីស្នាដៃសិល្បៈឌីជីថល។ គោលបំណងនៃកម្មវិធីមួយនេះគឺដើម្បីផ្តល់អត្ថប្រយោជន៍ដល់មូលនិធិសម្រាប់ការស្រាវជ្រាវជំងឺអេដស៍ (amfAR) ។

តារាល្បីៗ ទាំងនេះរួមមានតារាម៉ូដែល Kendall Jenner និង Kate Moss តន្ត្រីករ J Balvin សិល្បករ Jeff Koons និងអ្នកដឹកនាំរឿង Baz Luhrmann ក្នុងចំណោមអ្នកផ្សេងទៀត។ Prospect 100 គឺជាវេទិកាបោះឆ្នោតតាមអ៊ីនធឺណិត គោលបំណងរបស់ Prospect គឺដើម្បីនាំយកស្នាដៃរបស់វិចិត្រករដែលមិនកេរ្តិ៍ឈ្មោះល្បីល្បាញឱ្យទៅក្លាយជាអ្នករចនាឈានមុខគេក្នុងវិស័យរបស់ពួកគេ។ វិចិត្រករមកពីជុំវិញពិភពលោកអាចនាំយកស្នាដៃរបស់ពួកគេទៅកាន់ក្រុមរហូតដល់ថ្ងៃទី 9 ខែមីនា។ ទីបំផុតស្នាដៃ 100 ក្នុងចំណោមទាំងនេះនឹងត្រូវបានជ្រើសរើសជាមូលដ្ឋានសម្រាប់ស៊េរី NFT ដំបូងរបស់ amfAR។ ស៊េរី NFT ដំបូងរបស់ amfAR នឹងត្រូវបានលក់នៅពេលក្រោយ ពួកគេមិនទាន់បានបង្ហាញកាលបរិច្ឆេទច្បាស់លាស់ តែប្រាក់ចំណូលទាំងអស់នឹងធ្វើការបរិច្ចាកទៅការស្រាវជ្រាវជំងឺអេដស៍។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap