នៅថ្ងៃទី 12 ខែកក្កដានេះបើយោងតាម ​​The Block FTX បានចាប់ផ្តើមបើកដំណើរគេហទំព័រសងសំណងជូនដល់អតិថិជន ។ គេហទំព័រខាងលើ អនុញ្ញាត្តអោយអតិថិជន ចូលត្រួតពិនិត្យមើលព័ត៌មានគណនីរបស់ពួកគេ ហើយអាចដាក់ពាក្យស្នើសុំដើម្បីបញ្ចូលក្នុងដំណើរការក្ស័យធនជំពូកទី 11 របស់ FTX ។ គេហទំព័រនេះនឹងបើកដំណើរការសម្រាប់អតិថិជនដែលមានគណនីនៅ FTX.com, FTX US, Blockfolio, FTX EU, FTX JP និង Liquid ។ កាលពីខែមុន តុលាការសហរដ្ឋអាមេរិកបាននិយាយថា អតិថិជន FTX មានពេលរហូតដល់ថ្ងៃទី 29 ខែកញ្ញា ដើម្បីដាក់ពាក្យបណ្តឹង។ បន្ទាប់ពី FTX បានបើកដំណើរ Website សងសំណងជូនដល់អតិថិជន ទីផ្សារកាក់ FTT បានហោះឡើងដល់ 1.79 ដុល្លារ ហើយបច្ចុប្បន្នគឺ 1.61 ដុល្លារ កើនឡើង 16.2% ក្នុងរយៈពេល 24 ម៉ោង។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap