GTA 6 នឹងរួមបញ្ជូលបច្ចេកវិទ្យាប្លុកឆេនដើម្បីអនុវត្តប្រព័ន្ធផ្ដល់រង្វាន់ជារូបិយប័ណ្ណគ្រីបតូ Play to Earn
CamboSwap
2023-05-27
927 View
Grand Theft Auto (GTA) ត្រូវបានគេរាយការណ៍ថានឹងរួមបញ្ចូលប្រព័ន្ធផ្ដល់រង្វាន់ជារូបិយប័ណ្ណគ្រីបតូនៅក្នុងការអាប់ដេតនាពេលខាងមុខរបស់ខ្លួនគឺ Grand Theft Auto VI (GTA 6)។ GTA 6 ដែលនឹងត្រូវចេញលក់នៅឆ្នាំ 2023 ឬ 2024 នឹងក្លាយជាការអាប់ដេតដ៏សំខាន់មួយដែលរួមបញ្ចូលបច្ចេកវិទ្យាប្លុកឆេនដើម្បីអនុវត្តប្រព័ន្ធផ្ដល់រង្វាន់ជារូបិយប័ណ្ណគ្រីបតូ (Play to Earn)។ បើតាមប្រភព Watcher.Guru បាននិយាយនៅថ្ងៃទី 26 ខែមិថុនាថា "ការលេចធ្លាយ GTA 6 បង្ហាញថាសាច់រឿងនឹងកើតឡើងនៅ Columbia/Miami ហើយនឹងរួមបញ្ចូលរង្វាន់ជា #cryptocurrency នៅក្នុងហ្គេមសម្រាប់អ្នកលេងដើម្បីរកចំណូល និងអាចធ្វើការជួញដូរបាន" ។ បើយោងតាមការបែកធ្លាយឯកសាររបស់ GTA 6 បានបញ្ជាក់ថា GTA 6 អាចរួមបញ្ចូល Bitcoin (BTC) ដែលជាទ្រព្យសម្បត្តិគ្រីបតូដ៏ធំបំផុតមួយនៅក្នុងហ្គេម ជាវិធីទូទាត់ប្រាក់ និងជាការផ្ដល់រង្វាន់។ ប៉ុន្ដែមកដល់ពេលនេះអ្នកអភិវឌ្ឍន៍នៃ Grand Theft Auto មិនទាន់បានចេញសេចក្តីថ្លែងការណ៍ផ្លូវការអំពី (បន្ថែម) ទ្រព្យសម្បត្តិគ្រីបតូនៅឡើយ។ ទោះជាយ៉ាងណាក៏ដោយ Rockstar Games បានប្រកាសកាលពីខែកុម្ភៈថា GTA 6 កំពុងស្ថិតក្នុងការអភិវឌ្ឍន៍។
