ព័ត៌មាននៅថ្ងៃទី 20 ខែសីហា ប្រធានផ្នែកសន្តិសុខព័ត៌មាននៃ SlowMist បានបង្ហោះសារថា អ្នកស្រាវជ្រាវសន្តិសុខតាមអ៊ីនធឺណិតបានរកឃើញចន្លោះប្រហោងថ្មីនៅក្នុង iOS 16 ដោយបញ្ជាក់ថា៖ ទោះបីជាទូរស័ព្ទ iPhone របស់ជនរងគ្រោះមិនមានអ៊ីនធឺណិតក៏ដោយ ជនអនាមិកអាចប្រើប្រាស់បច្ចេកទេសថ្មី នេះដើម្បីចូលទៅកាន់ទូរស័ព្ទជនរងគ្រោះ បាន។ ការវាយប្រហារនេះបានកើតឡើងបន្ទាប់ពីទូរស័ព្ទ iPhone របស់ជនរងគ្រោះត្រូវបាន Jailbreak ហើយបន្ទាប់មក ជនអនាមិកបានប្រើបច្ចេកវិទ្យាថ្មីដើម្បីចូលប្រើទូរស័ព្ទរបស់ជនរងគ្រោះដោយមិនដឹងខ្លួន។ ជំហានបន្ទាប់ជនអនាមិកនឹងដំឡើង Fake Airplanmode នៅលើទូរសព្ទរបស់ជនរងគ្រោះ។ ដូច្នេះនៅពេលដែលជនរងគ្រោះគិតថា ដោយសារតែគាត់មិនប្រើប្រាស់អ៊ីនធឺណេត ទូរស័ព្ទរបស់គាត់នឹងមានសុវត្ថិភាពខ្ពស់ តាមពិតទូរស័ព្ទរបស់គាត់ត្រូវបានលួចចូលតាំងពីដំបូងដោយមិនដឹងខ្លួន។ បច្ចុបន្ន ចន្លោះប្រហោងនេះ គឺកើតឡើងនៅលើតែទូរស័ព្ទ iPhoneដែលបាន jailbreak តែប៉ុណ្ណោះ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap