កូរ៉េខាងត្បូងគ្រោងបង្កើតច្បាប់ពង្រឹងសន្តិសុខអ៊ីនធឺណិត និងត្រៀមរឹបអូសរូបិយប័ណ្ណគ្រីបតូដែលត្រូវបានកូរ៉េខាងជើងលួច
CamboSwap
2023-09-05
461 View
នៅថ្ងៃទី 5 ខែកញ្ញា យោងតាមព័ត៌មាន"Central Daily News" របស់កូរ៉េខាងត្បូងបាននិយាយថាមន្រ្តីកូរ៉េខាងត្បូងបានធ្វើការលើច្បាប់អស់រយៈពេល 10 ខែចុងក្រោយនេះដើម្បី "តាមដានរូបិយប័ណ្ណនិម្មិតនិងទ្រព្យសម្បត្តិគ្រីបតូផ្សេងទៀតដែលត្រូវបានលួចដោយពួក Hacker របស់កូរ៉េខាងជើង។ "។ គណបក្សកាន់អំណាចប្រជាជនបានគូសបញ្ជាក់ថា រូបិយប័ណ្ណគ្រីបតូប្រហែល $524,600 ពីក្រុម Hacker របស់កូរ៉េខាងជើង បានហូរចូលមកក្នុង Exchange របស់កូរ៉េខាងត្បូង។ ដោយមានការប៉ាន់ប្រមាណស៊ើបការណ៍ពីកូរ៉េខាងត្បូងបានបង្ហាញថា ប្រទេសកូរ៉េខាងជើងបានលួចយក Bitcoin និង Ethereum មានតម្លៃ 1.28 ពាន់លានដុល្លារក្នុងឆ្នាំ 2022។ ម្យ៉ាងវិញទៀតសេវាស៊ើបការណ៍សម្ងាត់ជាតិរបស់កូរ៉េខាងត្បូងបានបញ្ចាក់ កូរ៉េខាងជើងបានធ្វើការវាយប្រហារចំនួន 650,000 ដងជារៀងរាល់ថ្ងៃមកកាន់ប្រទេសកូរ៉េខាងត្បូងតែម្នាក់ឯង។ ដូច្នេះហើយសេចក្ដីព្រៀងច្បាប់នេះបានឆ្លុះបញ្ចាំងពីការព្រួយបារម្ភរបស់ប្រធានាធិបតីកូរ៉េខាងត្បូងដែលបាននិយាយថា "ក្របខ័ណ្ឌសន្តិសុខតាមអ៊ីនធឺណិតជាតិត្រូវការការជួសជុលជាបន្ទាន់" ។ បន្ថែមពីលើផែនការត្រួតពិនិត្យ និងរឹបអូសរូបិយប័ណ្ណគ្រីបតូរបស់កូរ៉េខាងជើង សេចក្ដីព្រៀងច្បាប់ថ្មីរបស់កូរ៉េខាងត្បូងក៏នឹងរួមបញ្ចូលផងដែរនូវការបង្កើតក្រុមប្រឹក្សាសន្តិសុខតាមអ៊ីនធឺណិតជាតិ ក្រោមការគ្រប់គ្រងផ្ទាល់របស់ប្រធានាធិបតី។
