Weibo បានធ្វើការហាមឃាត់ KOL និង Influencer ក្នុងវិស័យគ្រីបតូចំនួន 80 នាក់ដែលម្នាក់ៗមានអ្នកតាមដានច្រើនជាង 8 លាននាក់
CamboSwap
2023-09-07
83 View
គណនីរបស់អ្នកមានឥទ្ធិពលទាក់ទងនឹងរូបិយប័ណ្ណគ្រីបតូគឺ KOL និង Influencer ដែលពាក់ព័ន្ធចំនួន 80 ដែលម្នាក់ៗមានអ្នកតាមដានច្រើនជាង 8 លាននាក់ត្រូវបានគេលុបគណនីចេញពីកម្មវិធីប្រព័ន្ធផ្សព្វផ្សាយសង្គមរបស់ប្រទេសចិន (Weibo) ខណៈពេលដែលទីក្រុងប៉េកាំងរក្សាការគ្រប់គ្រងយ៉ាងតឹងរ៉ឹងទៅលើសកម្មភាពដែលពាក់ព័ន្ធទៅនឹងរូបិយប័ណ្ណគ្រីបតូ។ Weibo Finance បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថាគណនី Weibo ដែលផ្សព្វផ្សាយរូបិយប័ណ្ណគ្រីបតូគឺបានរំលោភលើបទប្បញ្ញត្តិរបស់ចិនចំនួនប្រាំបីដែលគ្របដណ្តប់លើទីផ្សារ សន្តិសុខអ៊ីនធឺណិត ទូរគមនាគមន៍ ពាណិជ្ជកម្ម និងហិរញ្ញវត្ថុ។ ក្រុមហ៊ុន Weibo Finance ដែលមានមូលដ្ឋាននៅទីក្រុងប៉េកាំងបាននិយាយថា ខ្លួននឹងបន្ត "ទទួលយកពាក្យបណ្តឹងពីអ្នកប្រើប្រាស់" និងចាប់ផ្តើមការស៊ើបអង្កេតលើ "ព័ត៌មានប្រតិបត្តិការរូបិយប័ណ្ណគ្រីបតូខុសច្បាប់" ស្របតាមច្បាប់ក្នុងស្រុក។ នៅខែសីហាឆ្នាំ 2022 រដ្ឋបាល Cyberspace របស់ប្រទេសចិន (CAC) បានបញ្ជាឱ្យលុបគណនីដែលទាក់ទងនឹងរូបិយប័ណ្ណគ្រីបតូចំនួន 12,000 នៅលើគេហទំព័រដូចជា Weibo និង Search Engine Baidu និង លុបមាតិកាដែលបានបង្ហោះនៅក្នុងប្រព័ន្ធផ្សព្វផ្សាយសង្គមចំនួន 51,000 ដែលផ្សព្វផ្សាយពីទ្រព្យសម្បត្តិគ្រីបតូ។ នៅពេលនោះ រដ្ឋបាល Cyberspace នៃប្រទេសចិន បាននិយាយថា ខ្លួននឹងបន្តបង្កើនការបង្រ្កាបសកម្មភាពមូលបត្រខុសច្បាប់នៅលើវេទិកា និងគោរពយ៉ាងតឹងរឹងនូវបទប្បញ្ញត្តិពាក់ព័ន្ធ។ ការបិទគណនី Weibo ទាក់ទងនឹងវិស័យគ្រីបតូនាពេលថ្មីៗនេះ គឺជាផ្នែកមួយនៃការសម្អាតព័ត៌មានអនឡាញយ៉ាងទូលំទូលាយដោយក្រុមហ៊ុន ដែលបាននិយាយថា ខ្លួនបានដោះស្រាយជាមួយគណនីជាង 140,000 ដែលពាក់ព័ន្ធនឹងការផ្សព្វផ្សាយព័ត៌មានមិនពិត ឬបង្កគ្រោះថ្នាក់។ នៅឆ្នាំ 2019 នៅពេលដែលរដ្ឋាភិបាលបានចាប់ផ្តើមគ្រប់គ្រងលើឧស្សាហកម្មទ្រព្យសកម្មនិម្មិត អ្នកមានឥទ្ធិពលទាក់ទងនឹងរូបិយប័ណ្ណគ្រីបតូបានរាយការណ៍ជាលើកដំបូងអំពីការបង្ក្រាបលើគណនីប្រព័ន្ធផ្សព្វផ្សាយសង្គមរបស់ពួកគេ។ Weibo ក៏ធ្លាប់បានហាមឃាត់គណនីរបស់បុគ្គលល្បីៗ ដូចជាសហស្ថាបនិក Binance He Yi និងសហគ្រិនគ្រីបតូដ៏ល្បីគឺ Justin Sun។ នៅខែកញ្ញា ឆ្នាំ 2021 ទីភ្នាក់ងាររដ្ឋាភិបាលកំពូលចំនួន 10 របស់ប្រទេសចិនបានប្រកាសរួមគ្នាអំពីសកម្មភាពទាក់ទងនឹងរូបិយប័ណ្ណអេឡិចត្រូនិកជាសកម្មភាពហិរញ្ញវត្ថុខុសច្បាប់។
