ធនាគារកណ្តាលអាមេរិក (U.S Federal Reserve) បានសម្រេចចិត្តផ្អាកការតម្លើងអត្រាការប្រាក់របស់ខ្លួន ដោយរក្សាអត្រាការប្រាក់គោលនៅកម្រិតចន្លោះពី 5.63-5.87% ដដែល អស់រយៈពេល 22 ឆ្នាំ។ ការសម្រេចចិត្តនេះ គឺដោយសារតែ Fed ចង់ប្រមូលទិន្នន័យបន្ថែមដើម្បីធ្វើការសិក្សាពីផលប៉ះពាល់នៃការតម្លើងអត្រាការប្រាក់ពីមុនៗមកលើសេដ្ឋកិច្ចរបស់អាមេរិក។ បើគិតចាប់តាំងពីខែមីនា ឆ្នាំ 2022 ធនាគារកណ្តាល Fed បានតម្លើងអត្រាការប្រាក់ចំនួន 11 ដង និងអាចរក្សាស្ថិរភាពនៃការតម្លើងបាន 2 ដង ហើយក៏សម្រេចចិត្តផ្អាកវិញ នៅក្នុងខែកញ្ញានេះ។ ការព្យាករណ៍សេដ្ឋកិច្ចចុងក្រោយបង្អស់របស់ Fed បង្ហាញថា Fed នឹងកាត់បន្ថយអត្រាការប្រាក់តិចជាងមុននៅឆ្នាំ 2024 ដែលបង្ហាញពីទំនុកចិត្តរបស់ Fed នៅក្នុងសេដ្ឋកិច្ចដែលមានស្ថិរភាព បើប្រៀបធៀបទៅនឹងការប៉ាន់ប្រមាណពីមុនៗ។ បន្ទាប់ពីព័ត៌មានត្រូវបានចេញផ្សាយ ទីផ្សារគ្រីបតូគឺមានភាពរាបស្មើ។ នៅប៉ុន្មាននាទីបន្ទាប់ពីធនាគារកណ្តាលអាមេរិក (U.S Federal Reserve) បានប្រកាសព័ត៌មាននេះ តម្លៃនៃ Bitcoin នៅតែជិត $27,200 ហើយបន្ទាប់មកបានធ្លាក់ចុះយ៉ាងខ្លីប្រហែល 1% មកនៅត្រឹម 26,900 ដុល្លារ។ ការសម្រេចចិត្តការផ្អាកលើកទីពីរនេះគឺស្របតាមការរំពឹងទុករបស់ទីផ្សារដូច្នេះទើបធ្វើអោយតម្លៃទីផ្សារ Bitcoin មិនមានការប្រែប្រួលខ្លាំងដូចពីមុន។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap