Blend បានធ្វើការគ្រប់គ្រង 82% នៃទីផ្សារផ្តល់ប្រាក់កម្ចី NFTs
CamboSwap
2023-05-27
554 View
Blur បានប្រកាសពីការចាប់ផ្តើមនៃកិច្ចព្រមព្រៀងវេទិកា Blend ដែលជាវេទិកាផ្តល់ប្រាក់កម្ចី ហើយត្រូវបានបង្កើតឡើងដោយអ្នកអភិវឌ្ឍន៍ពិធីការ Uniswap V3 លោក Dan Robinson និងអ្នកស្រាវជ្រាវ Paradigm Transmissions11 ក្នុងគោលបំណងដោះស្រាយបញ្ហាសាច់ប្រាក់អោយងាយស្រួលសម្រាប់ការទិញលក់ NFT ដែលបច្ចុប្បន្នទីផ្សារ NFT កំពុងជួបបញ្ហាខ្វះលំហូរសាច់ប្រាក់ក្នុងទីផ្សារ។ យោងតាម Blend white paper បានបញ្ជាក់ថា Blend ជាវេទិកាប្រភេទ (P2P) ដែលគាំទ្រវត្ថុបញ្ចាំណាមួយរួមទាំង NFT ។ ចាប់តាំងពីទីផ្សារផ្តល់ប្រាក់កម្ចី NFTs Blend បានចាប់ផ្តើមនៅថ្ងៃទី 1 ខែឧសភា Blend បានប្រមូលមូលនិធិបាន 169,900 ETH ឬប្រហែល 308 លានដុល្លាសម្រាប់ផ្តល់ប្រាក់កម្ចី។ ក្នុងពេលជាមួយគ្នានោះ ទំហំជួញដូរនៅវេទិកាផ្តល់ប្រាក់កម្ចី NFTទាំងអស់ទើបតែបានឈានដល់ប្រហែល 375 លានដុល្លារ មានន័យថា Blend បានធ្វើការគ្រប់គ្រង 82% នៃទីផ្សារផ្តល់ប្រាក់កម្ចី NFTs។ បើតាមកាលបរិច្ឆេទនៃការចេញផ្សាយដោយ Blend បានបញ្ជាក់ថាវេទិកានេះមានតែ 4,200 ETH ឬប្រហែល $7.6 លានដុល្លារក្នុងបរិមាណផ្តល់ប្រាក់កម្ចី - មានន័យថា Blend បានការកើនឡើង 3,945% នៅក្នុងទំហំពាណិជ្ជកម្មរបស់ខ្លួនក្នុងរយៈពេលត្រឹមតែមួយខែប៉ុណ្ណោះ។
