តើម្សិលមិញមានរឿងអ្វីកើតឡើង បានជា BTC កើនឡើងដល់ $30,000 ភ្លាមៗ ហើយធ្លាក់មកវិញ ត្រឹមតែប៉ុន្មាននាទី? Cointelegraph បានរាយការណ៍ថាគណៈកម្មការមូលបត្រអាមេរិក (SEC) បានអនុញ្ញាត្ត iShares Bitcoin Spot ETF របស់ BlackRock ជាផ្លូវការដែលធ្វើអោយគ្រប់គ្នា FOMO ចូលទិញ BTC ក្នុងពេលជាមួយគ្នានេះ តម្លៃនៃ Bitcoin បានកើនឡើងតម្លៃលើសពី $30,000 ដុល្លារអាមេរិក ដែលមានការកើនឡើងជាង 10% ក្នុងរយៈពេលដ៏ខ្លី។ ប៉ុន្តែព័ត៌មានមួយនេះត្រូវបានមានការសាកសួរ និងសង្ស័យជាបន្តបន្ទាប់ដោយអ្នកវិភាគ Bloomberg លោក James Seyffart និងអ្នកដទៃទៀត។ មិនយូរប៉ុន្មាន អ្នករាយការណ៍របស់ Fox Business លោក Eleanor Terrett បានសរសេរថា " ព័ត៌មានខាងលើវាជាព័ត៍មានមិនពិត ដោយលោកបានសាកសួរជាមួយ Blackrock ដោយលោកបានបញ្ជាក់ថា Bitcoin Spot ETF របស់ BlackRock កំពុងស្ថិតក្រោមការត្រួតពិនិត្យរបស់ SEC នៅឡើយ មិនទាន់មានការអនុញ្ញាត្តពី SEC ទេ"។ បន្ទាប់ពីដឹងថាព័ត៌មានខាងលើជាព័ត៌មានក្លែងក្លាយ BTC បានមានការធ្លាក់ចុះតម្លៃមកក្រោម $28,000 ដុល្លារម្តងទៀតក្នុងរយៈពេលខ្លីមួយ ដែលការប្រែប្រួលតម្លៃមួយនេះបានធ្វើអោយអ្នកវិនិយោគដែលកំពុង Trade Future នៅក្នុងទីផ្សាររូបិយប័ណ្ណគ្រីបតូទាំងមូលបានខាតបង់លើសពី $100 លានដុល្លារ។ បន្ទាប់ពីមានការប្រែប្រួលខាងលើនេះមក Cointelegraph បានលុប tweet របស់ខ្លួនជាបន្តបន្ទាប់ហើយបានចេញសេចក្តីថ្លែងការណ៍សុំទោសជាសាធារណៈ ដោយ Cointelegraph បានធ្វើការផ្សព្វផ្សាយព័ត៌មានដោយមិនបានធ្វើការផ្ទៀងផ្ទាត់ពីប្រភពច្បាស់លាស់។ នៅម៉ោងប្រហែល 6 ព្រឹកនេះ Cointelegraph បានពន្យល់អំពីរឿងរ៉ាវទាំងមូលនៃឧប្បត្តិហេតុនេះ: យើងអាចមើលបានតាមការសន្ទនាផ្ទៃក្នុងរបស់បុគ្គលិក Cointelegraph ដែលបង្ហាញអំពីដើមហេតុដែលពួកគេបង្ហោះព័ត៌មានក្លែងក្លាយមួយនេះ

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap