ប្រទេសចិន បានសម្រេចចិត្ត លែងធ្វើការហាមឃាត់ ទៅលើវិស័យ NFTs
CamboSwap
2023-10-30
521 View
បន្ទាប់ពីមួយឆ្នាំនៃការបង្រ្កាបយ៉ាងតឹងរ៉ឹងលើសហគ្រាសឯកជននៃវិស័យប្លុកឆេន (blockchain) ប្រទេសចិនហាក់ដូចជាកំពុងបន្ធូរបន្ថយលើគោលជំហររបស់ខ្លួន។ យោងតាមរបាយការណ៍ក្នុងស្រុកកាលពីថ្ងៃទី 25 ខែតុលា វេទិកា Xianyu ជាទីផ្សារ P2P របស់ Alibaba បានលុបចោលការចាប់រឹតបន្តឹងលើពាក្យគន្លឹះដែលទាក់ទងនឹង "NFTs" នៅក្នុងឧបករណ៍ស្វែងរករបស់វា។ ពួកគេក៏បានធ្វើការចុះបញ្ជីបង្ហាញអំពី Collection Topnod NFT ដែលមាននៅលើ Ant Blockchain របស់ Alibaba ផងដែរ។ Collection Topnod NFT ពីមុនត្រូវបានហាមឃាត់មិនឱ្យចុះបញ្ជីនៅលើទីផ្សារដោយសារតែភាពមិនច្បាស់លាស់នៃបទប្បញ្ញត្តិ។ នៅក្នុងខែធ្នូនៃឆ្នាំមុន វាត្រូវបានគេរាយការណ៍ថារដ្ឋាភិបាលចិនគ្រោងនឹងចាប់ផ្តើមវេទិកាពាណិជ្ជកម្ម NFT ផ្លូវការរបស់ខ្លួន ដែលបច្ចុប្បន្នគម្រោងមួយនេះកំពុងស្ថិតក្រោមការអភិវឌ្ឍន៍។ ចាប់តាំងពីឆ្នាំ 2021 ប្រទេសចិនបានហាមឃាត់ជាផ្លូវការនូវសកម្មភាពដែលទាក់ទងនឹងរូបិយប័ណ្ណគ្រីបតូ លើកលែងតែកម្មសិទ្ធិទាំងស្រុងនៃរូបិយប័ណ្ណគ្រីបតូ។ សកម្មភាពនាពេលថ្មីៗនេះបានបង្ហាញពីការផ្លាស់ប្តូរនៃយុទ្ធសាស្រ្តរបស់ប្រទេសចិនចំពោះ ទីផ្សារ NFTs ដែលអាចបង្ហាញពីអាកប្បកិរិយាបើកចំហបន្ថែមទៀតចំពោះទីផ្សារឌីជីថលនៅក្នុងប្រទេសចិន។
