នៅក្នុងឆ្នាំ 2023 ពួក Hacker បានលួចលុយអស់ 1 ពាន់លានដុល្លារជារូបិយប័ណ្ណគ្រីបតូ
CamboSwap
2023-10-30
61 View
ព័ត៌មាននៅថ្ងៃទី 29 ខែតុលានេះបើយោងតាមន្នន័យ DeFiLlama បានបង្ហាញថាឧក្រិដ្ឋកម្មតាមអ៊ីនធឺណិតក្នុងឆ្នាំ 2023 បានលួចយកទ្រព្យសម្បត្តិឌីធីថលដែលមានតម្លៃប្រហែល 1 ពាន់លានដុល្លារពីទីផ្សារគ្រីបតូ រហូតមកដល់ពេលនេះទិន្នន័យនេះបានបង្ហាញថាវាជាការថយចុះ 60% បើប្រៀបធៀបទៅនឹងទឹកប្រាក់ $3.2 ពាន់លានដុល្លារដែលត្រូវបានលួចដោយពួក Hacker ក្នុងឆ្នាំ 2022 ។។ ទិន្នន័យពី DeFiLlama បានបង្ហាញថាចំនួនខ្ពស់បំផុតដែលត្រូវបានលួចពីឧស្សាហកម្មគ្រីបតូនៅឆ្នាំនេះបានកើតឡើងនៅក្នុងខែកញ្ញា ដោយពួក Hacker លួចបានទឹកប្រាក់ចំនួន $308.23 លានដុល្លារ។ បន្ទាប់មកគឺនៅក្នុងខែកក្កដាដែលមានចំនួន $238.42 លានដុល្លារ និងចុងក្រោយគឺនៅក្នុងខែមីនា ដែលពួក Hacker តាមអ៊ីនធឺណែតបានលួចបានចំនួន $213.58 លានដុល្លារ។
ទោះជាយ៉ាងណាក៏ដោយ វាជារឿងសំខាន់ក្នុងការកត់សម្គាល់ថា ខណៈពេលដែលចំនួនសរុបនៃសាច់ប្រាក់ដែលត្រូវបានលួចដោយពួក Hacker ក្នុងឆ្នាំ 2023 គឺទាបជាងឆ្នាំ 2022 យ៉ាងខ្លាំងក៏ដោយ ប៉ុន្តែវាមិនបានឆ្លុះបញ្ចាំងពីការកើនឡើងសុវត្ថិភាពនៅក្នុងឧស្សាហកម្មគ្រីបតូនោះទេ។ ការវិភាគលម្អិតបន្ថែមទៀតបង្ហាញថានឹងមានការលួចយករូបិយប័ណ្ណគ្រីបកាន់តែច្រើននៅសាច់ប្រាក់មូលនិធិដែលត្រូវបានគេលួចក៏ដោយ។ យោងតាមរបាយការណ៍លម្អិតបានឱ្យដឹងថាទឹកប្រាក់ចំនួន 3.2 ពាន់លានដុល្លារដែលត្រូវបានលួចពីក្នុងទីផ្សាររូបិយប័ណ្ណគ្រីបតូក្នុងឆ្នាំ 2022 ដោយករណីលួចយកនេះមានចំនួនត្រឹមតែ 60 ករណីតែប៉ុណ្ណោះ ប៉ុន្ដែនៅឆ្នាំ 2023 ករណីលួចយកតាមអ៊ីនធឺណែតបានមានការកើនឡើងចំនួនដល់ 75 ករណីផ្សេងៗគ្នាទោះបីជាសាច់ប្រាក់ទាំងមូលដែលត្រូវបានគេលួចវាមានចំនួនត្រឹមតែ 1 ពាន់លានដុល្លារក៏ដោយ។ អ្នកសង្កេតការណ៍ឧស្សាហកម្ម Crypto មានការព្រួយបារម្ភថាការកើនឡើងចំនួននៃការលួចចូលរូបិយបណ្ណគ្រីបតូ បានចោទជាសំណួរអំពីសុវត្ថិភាពរបស់ឧស្សាហកម្ម និងកង្វះបទប្បញ្ញត្តិត្រឹមត្រូវ។ ពួកគេបានព្រមានថាការកើនឡើងនៃឧប្បត្តិហេតុការលួចចូលទ្រង់ទ្រាយតូចអាចនាំឱ្យមានការលួចរូបិយប័ណ្ណគ្រីបតូក្នុងទ្រង់ទ្រាយធំនាពេលអនាគត។
