យោងតាមសេចក្តីថ្លែងការណ៍ផ្លូវការមួយរបស់ គណៈកម្មការមូលបត្រហ្វីលីពីន (SEC) ថ្មីៗនេះ SEC ហ្វីលីពីនបានចេញការព្រមានអំពីប្រតិបត្តិការនៃទីផ្សារជួញដូររូបិយប័ណ្ណគ្រីបតូ Binance ដោយព្រមានថាអង្គភាពដែលពាក់ព័ន្ធនឹងការផ្សព្វផ្សាយ Binance អាចប្រឈមមុខនឹងការជាប់ពន្ធនាគាររហូតដល់ 21 ឆ្នាំ។ និយតករទីផ្សារក្នុងស្រុកបានអះអាងថា Binance "បាននិងកំពុងធ្វើសកម្មភាពផ្សព្វផ្សាយយ៉ាងសកម្មនៅលើវេទិកាប្រព័ន្ធផ្សព្វផ្សាយសង្គមផ្សេងៗ" ដើម្បីលើកទឹកចិត្តប្រជាជនហ្វីលីពីនឱ្យបើកគណនីជួញដូរ ជាមួយ Binance ប៉ុន្ដែអ្វីដែលសំខាន់នោះគឺ Binance មិនមានអាជ្ញាប័ណ្ណផ្លូវការពីនិយតករហ្វីលីពីនដើម្បីអនុញ្ញាតឱ្យមានសកម្មភាពបែបនេះទេ។ គណៈកម្មការមូលបត្រហ្វីលីពីនបានព្រមានថា "Binance មិនត្រូវបានចុះបញ្ជីជាក្រុមហ៊ុននៅក្នុងប្រទេសហ្វីលីពីនទេ ហើយបច្ចុប្បន្ន Binance បានបើកដំណើរការដោយគ្មានអាជ្ញាប័ណ្ណចាំបាច់ ឬការអនុញ្ញាតិឱ្យលក់ ឬផ្តល់មូលបត្រគ្រប់ប្រភេទនោះទេ"។ ទីភ្នាក់ងារប្រទេសហ្វីលីពីបានក្រើនរំលឹកអ្នកវិនិយោគកុំឱ្យចូលរួមក្នុងសកម្មភាពជាមួយក្រុមហ៊ុនណាដែលមិនមានការគ្រប់គ្រងពីគណៈកម្មការមូលបត្រហ្វីលីពីន។ ក្នុងពេលជាមួយគ្នានេះ SEC បានព្រមានអ្នកលក់ ភ្នាក់ងារ អ្នកផ្សព្វផ្សាយ និងអ្នកមានឥទ្ធិពល (KOL) ដែលលើកទឹកចិត្តប្រជាជនហ្វីលីពីនឱ្យបើកគណនីនៅលើវេទិកាដែលមិនមានការគ្រប់គ្រងអាចប្រឈមនឹងការជាប់ពន្ធនាគាររហូតដល់ 21 ឆ្នាំ និងពិន័យជាប្រាក់រហូតដល់ 90,000 ដុល្លារ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap