Crypto Scam គឺជាគ្រោងការណ៍បោកប្រាស់ចំពោះអ្នកដែលកំពុងស្វែងរកការវិនិយោគនៅក្នុងរូបិយប័ណ្ណគ្រីបតូ។ ការបោកប្រាស់ទាំងនេះអាចមានទម្រង់ផ្សេងៗគ្នា រួមមានដូចជា៖ 1. ICO ក្លែងក្លាយ៖ Scammer បង្កើតគេហទំព័រ និង White Paper ក្លែងក្លាយ ដើម្បីផ្សព្វផ្សាយការលក់រូបិយប័ណ្ណគ្រីបតូថ្មី ដើម្បីទាក់ទាញអ្នកវិនិយោគឱ្យចូលទៅទិញ ICO ប៉ុន្តែមិនមានបច្ចេកវិទ្យា ឬហេដ្ឋារចនាសម្ព័ន្ធពិតប្រាកដឡើយ វាប្រៀបដូចជាការលក់កាក់ដែលមានតែឈ្មោះប៉ុណ្ណោះ

2. គ្រោងការណ៍ Ponzi: ជាគម្រោងការណ៍ដែលសន្យាថានឹងផ្ដល់ផលចំណេញខ្ពស់ដល់វិនិយោគិនក្នុងរយៈពេលខ្លី និងប្រើប្រាស់មូលនិធិពីអ្នកវិនិយោគថ្មីដើម្បីសងប្រាក់ទៅវិនិយោគិនមុនៗ។

3. ការវាយប្រហារតាមរយះ Phishing Scam៖ Scammer ប្រើប្រាស់គេហទំព័រ អ៊ីម៉ែលក្លែងក្លាយ និង social media ដើម្បីបញ្ឆោត ឱ្យអ្នកប្រើប្រាស់បញ្ចូលព័ត៌មានផ្ទាល់ខ្លួន ជាហេតុធ្វើឲ្យ Scammer អាចលួចចូលកាន់កាប់រូបិយប័ណ្ណគ្រីបតូរបស់អ្នកប្រើប្រាស់បាន។

4. Pump-and-dump schemes៖ Scammer បានបំប៉ោងតម្លៃនៃរូបិយប័ណ្ណគ្រីបតូណាមួយ បន្ទាប់មកពួកគេបានលក់វាចេញទៅក្នុងទីផ្សារដោយបើកចំហ ដែលបណ្តាលឱ្យតម្លៃធ្លាក់ចុះ និងធ្វើឱ្យអ្នកវិនិយោគផ្សេងទៀតមានការខាតបង់យ៉ាងច្រើន។

រូបភាពបន្ថែម ៖

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap