គណៈកម្មការមូលបត្រម៉ាឡេស៊ី (The Securities Commission Malaysia) បាននិយាយថា ទីផ្សារជួញដូររូបិយប័ណ្ណគ្រីបតូ Huobi Global មិនបានធ្វើការចុះឈ្មោះជាផ្លូវការទេ ដូច្នេះត្រូវតែបញ្ឈប់ប្រតិបត្តិការទាំងអស់។ គណៈកម្មការមូលបត្រម៉ាឡេស៊ី (SC) បានប្រាប់ទៅនាយកប្រតិបត្តិរបស់ Huobi Global លោក Leon Li ថា ក្រុមហ៊ុន Huobi Global ត្រូវតែបញ្ឈប់ប្រតិបត្តិការនៅក្នុងប្រទេស រួមទាំងការបិទគេហទំព័រ (Website) និងកម្មវិធីទូរស័ព្ទ (App) របស់ខ្លួន ព្រោះប្រតិបត្តិការនេះ កំពុងតែដំណើរការស្រាប់ហើយ ប៉ុន្ដែមិនត្រូវបានទទួលការអនុញ្ញាតពីរដ្ឋាភិបាលជាផ្លូវការទេ។ ព្រោះបើនៅតែបន្តធ្វើប្រតិបត្តិការទៀត វានឹងអាចបង្កទៅជា បទល្មើសមួយស្ថិតនៅក្រោមបទបញ្ញត្តិទីផ្សារ និងសារាចរណែនាំសេវាកម្មរបស់ប្រទេសនេះ។ បន្ថែមពីនេះ គណៈកម្មការមូលបត្រម៉ាឡេស៊ី បានប្រាប់ក្រុមហ៊ុន Huobi Global ឲ្យឈប់ធ្វើចរាចរ បោះពុម្ព ឬផ្ញើការផ្សាយពាណិជ្ជកម្មទៅកាន់វិនិយោគិនម៉ាឡេស៊ីទៀត។

ប្រភព: coindesk

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap