ថ្មីៗនេះទីផ្សារទាំងមូលមានភាពល្អប្រសើរ ដោយ Bitcoin បានមានតម្លៃលើសពី $42,000 និង Ethereum លើសពី $2,200។ មួយរយៈមុននេះ ខ្ញុំបានឃើញ Community មួយចំនួនបានធ្វើការបង្ហោះនូវការចំណេញរាប់សិនមុឺនដុល្លារក្នុងការវិនិយោគកាក់ផ្សេងៗ ដែលបណ្ដាលឱ្យបងប្អូនមួយចំនួនមានភាព FOMO ទិញកាក់តាមគ្នា ចុងក្រោយទទួលបានខាតមកវិញ។ ដូច្នេះថ្ងៃនេះក្នុងនាមខ្ញុំអ្នកវិនិយោគក្នុងវិស័យគ្រីបតូបាន 3 ឆ្នាំ សូមចែករំលែកបទពិសោធន៏មួយចំនួន និងការវិភាគផ្ទាល់ខ្លួនរបស់ខ្ញុំជូនដល់បងប្អូនក្នុងការពិចារណា។ នៅក្នុង អំឡុងពេល Bull Market អ្វីដែលខ្ញុំតែងតែជួបនោះគឺ ការបង្ហោះការអួតអំពីការរកប្រាក់ចំណេញក្នុងការ Trade Contract ប៉ុន្ដែបន្ទាប់ខ្ញុំបានសាកល្បង Trade ដោយខ្លួនផ្ទាល់ខ្ញុំ ដំបូងខ្ញុំដាក់ 100 USDT រកប្រាក់ចំណេញបាន 250 ទៅ 300 USDT ប៉ុន្ដែដល់បានមួយរយៈធំខ្ញុំចាប់ផ្ដើម ខាតបង់ទាំងដើម និងប្រាក់ចំណេញ ហើយព្យាយាមសិក្សារបន្ថែមទើបយល់ច្បាស់ថានៅក្នុងវិស័យនេះ 100 % មានតែ 5% ទេដែលរកបានផលចំណេញពីវា 5% ទាំងនេះសុទ្ធប្រកបអាជីបក្នុង Trade អត់ដូចយើង Trade Part Time នោះទេដូច្នេះនៅក្នុងទីនេះប្រសិនបងប្អូនជាអ្នកថ្មីសោះក្នុងវិស័យនេះខ្ញុំអត់ណែនាំបងប្អូនចូលទៅក្នុងការ Trade Margin , Future ទេលុះត្រាតែបងប្អូនយល់ច្បាស់សិនអំពីវិស័យនេះ បើមិនដូច្នេះទេនៅពេល Bull Market មកដល់ គេផ្សេងរកឪកាសទទួលបានប្រាក់ចំណូល តែយើងវិញរកឪកាសស្រងដើមមកវិញ។ បកប្រឡប់មកអត្ថបទយើងវិញ តើ Concept អ្វីដែលអាចនឹងល្បីនៅ Bull Market បន្ទាប់ ? នៅក្នុងនោះដែលពាក្យថា New Narrative ឬ គំនិតថ្មីគឺជាពាក្យសំខាន់មួយសម្រាប់អ្នកវិនិយោគក្នុងការទទួលបានឪកាសក្នុងការរកប្រាក់ចំណេញ។ ដោយយើងជាអ្នកវិនិយោគក្នុងវិស័យគ្រីបតូ យើងតាមដានអ្វីដែលថ្មីជានិចដើម្បីទទួលបានឪកាសមុនគេ។ ដោយសារតែអំឡុងពេល Bull Market យើងតែងតែឃើញគេលើកឡើងនៅ Concept ថ្មីៗ ដូចជា៖ - នៅឆ្នាំ 2013 Concept - Digital Gold ត្រូវបានលើកឡើង - នៅឆ្នាំ 2017 Concept - Blockchain - រហូតដល់ឆ្នាំ 2020 ដែលជាឆ្នាំវិស័យគ្រីបតូត្រូវបានរីករាលដាលលើពិភពលោក ដែលក្នុងនោះដែលបានបំផុសនូវគំនិតជាច្រើនមានដូចជា DeFi, NFTs, Web 3.0, Metaverse, AI , GameFi និង Meme Coin ។ល៕ ដូច្នេះ Bull Market បន្ទាប់ដែលនៅឆ្នាំ 2024 នេះតែ Concept អ្វីដែលនឹងត្រូវគេបំផុសឡើង ហើយអាចឱ្យយើងរកឪកាសចំណេញពីវា ? នាពេលបច្ចុប្បន្ន បើសិនបើយើងមើលតាមអ្វីដែលយើងមាន ៖ • Bitcoin Ecosystem • Layer 2 • Liquid Staking Derivatives (LSD) • AI • Account Abstraction • Decentralized social networking • Real World Assets (RWA) Concept ទាំងអស់នេះគឺជាគំនិតដែលចាប់ផ្ដើមបំផុសឡើង ហើយអ្វីដែលសំខាន់ជាងគេនោះគឺមនុស្សគ្រប់គ្នាចាប់ផ្ដើមមានការចាប់អារម្មណ៏ និងទទួលយកលើ Concept ទាងអស់នេះអំឡុងពេល Bitcoin មានការឡើងថ្លៃ។ ដូច្នេះប្រសិនជាបងប្អូនមានការចាប់អារម្មណ៏ អាចសិក្សារស្រាវជ្រាវបន្ថែមអំពី Concept ទាំងអស់នេះដោយសារតែបច្ចុប្បន្ន Concept ទាំងអស់នេះមិនទាន់មានការផ្ទុះខ្លាំងនោះទេដោយសារមនុស្សគ្រប់គ្នាកំពុងចាប់អារម្មណ៏ទៅលើ Bitcoin ដូច្នេះបើសិន Bitcoin មានការធ្លាក់ចុះ ឬធ្លាក់ប្រជាប្រិយភាពនៅពេលនោះហើយ Altcoin ទាំងអស់នឹងចាប់ផ្ដើមកើនឡើងតម្លៃ ហើយ Altcoin ដែលមាននៅក្នុង Concept ខាងលើនេះនឹងអាចត្រូវបានគេបំផុសដើម្បីបង្កើតតម្លៃឱ្យមានកើនឡើងកាន់តែខ្ពស់។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap