នៅថ្ងៃទី 6 ខែធ្នូ យោងតាម Instagram របស់អ្នកដឹកនាំរឿង និងជាតារាសម្ដែងល្បីលោក Stephen Chow ហៅកាត់ថាទិនហ្វីបានបង្ហោះ MV បទចម្រៀងថ្មី "Nobody" របស់តារារ៉េបជនជាតិអាមេរិកដើមកំណើតចិន Ouyang Jing ហើយបានបង្ហើបថាសេរី NFT របស់ដែលមានឈ្មោះថា "Nobody" អាចនឹងចេញក្នុងពេលឆាប់ៗនេះដោយ MoonBox។ ការបំផុសគំនិតក្នុងការរចនាសម្រាប់ស៊េរី NFT Nobody នាពេលខាងមុខគឺពិតជាត្រូវបានបំផុសគំនិតដោយលោក Stephen Chow ដែលតែងតែតំណាងថា៖ ថាមពលខាងវិញ្ញាណនៃការចាប់ផ្តើមពីមនុស្សតូច អាចសម្រេចបាននូវរឿងដ៏អស្ចារ្យ។ នៅក្នុងសារខាងលើនេះគាត់បានធ្វើការបង្ហាញអំពីទស្សនៈមួយចំនួនដោយនិយាយថា "ជារឿយៗយើងតែងតែកោសសើរទៅមនុស្សមួយចំនួនដោយសារតែពួកគេមិនដែលមើលស្រាលខ្លួនឯង។ ប៉ុន្ដែតាមការពិតមនុស្សធម្មតាដូចយើងតែងតែផ្ដល់នូវភាពភ្ញាក់ផ្អើលដ៏អស្ចារ្យបំផុតដល់ពិភពលោក"។ MV "Nobody" ចុងក្រោយរបស់ Ouyang Jing ត្រូវបានបំផុសគំនិតដោយរូបភាពតួអង្គតូចៗជាច្រើនរបស់លោក Stephen Chow ហើយថែមទាំងបានអញ្ជើញ Stephen Chow ខ្លួនឯងឱ្យចូលរួមជាសំឡេងរបស់គាត់ផងដែរ ជាពិសេស នៅក្នុង​ MV "Nobody" បានដកស្រង់ឈុតឆាកភាពយន្ត ជាច្រើនដូចជាចេញពីភាពយន្តរបស់លោក Stephen Chow មានដូចជា "Kung Fu", "God of Cookery", "Shaolin Soccer" ជាដើម ។

Chris Chan ភ្នាក់ងាររបស់លោក Stephen Chow បាននិយាយថា លោក Stephen Chow តែងតែសង្ឃឹមថានឹងបង្កើត IP ល្បីជាច្រើននៅលើមូលដ្ឋានគ្រឹស Web3 ដើម្បីនាំយកសាច់រឿងចិនកំពូលទៅកាន់ឧស្សាហកម្ម Web3 ។ នៅដើមខែកក្កដាឆ្នាំ 2023 Moonbox បានទទួលសិទ្ធិជាផ្លូវការក្នុងការប្រើប្រាស់ IP ខ្សែភាពយន្តរបស់លោក Stephen Chow នៅក្នុងវិស័យ NFT រួមមាន "Journey to the West: Conquering the Demons (2013)", "Journey to the West: Conquering the Demons (2017)" និង "The Mermaid"។ លើសពីនេះទៀត ក្រុមការងារ Moonbox គ្រោងនឹងបញ្ចេញកម្មវិធី NFT និង AI សម្រាប់អន្តរកម្មទៅកាន់អ្នកដែលកាន់ NFT នៅចុងឆ្នាំនេះ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap