ការអាប់ដេតនាពេលខាងមុខរបស់ Ethereum Cancun-Deneb ដែលត្រូវបានគេស្គាល់ថាជា Dencun នឹងចាប់ផ្តើមការធ្វើតេស្តសាកល្បង​ Testnets នៅថ្ងៃទី 17 ខែមករា ឆ្នាំក្រោយនេះ ។ Testnets មួយនេះដើរតួនាទីយ៉ាងសំខាន់ក្នុងការផ្តល់នូវសុវត្ថិភាពសម្រាប់អ្នកអភិវឌ្ឍន៍ដើម្បីសាកល្បង និងដាក់ឱ្យប្រើប្រាស់កម្មវិធីរបស់ពួកគេ មុនពេលធ្វើអន្តរកម្មជាមួយបណ្តាញពិតណាមួយ។ ជំហានមួយចំនួនមុននឹងឈានដល់ការអនុវត្តទៅលើបណ្ដាញ Ethereum ផ្ទាល់មានដូចជា ៖ o ជំហានទី1 អនុវត្តលើ Goerli testnet គឺជាកន្លែងសាកល្បង ដែលអនុញ្ញាតឱ្យអ្នកអភិវឌ្ឍន៍ (Developer) សាកល្បងកម្មវិធីរបស់ពួកគេ និងកិច្ចសន្យាឆ្លាតវៃ ដើម្បីធានាថាវាដំណើរការទៅមុខរលូនជាមួយនឹងមុខងារថ្មីៗ មុនពេលដាក់ឱ្យប្រើប្រាស់នៅលើបណ្តាញ Ethereum សំខាន់ៗបន្ទាប់ទៀត។ o ជំហានទី2 បន្ថែមទៅលើ Sepolia នៅថ្ងៃទី 30 ខែមករា ឆ្នាំ 2024 ដែលជាបណ្តាញសាកល្បងសម្រាប់ការអភិវឌ្ឍន៍កម្មវិធី Ethereum ទូទៅ រួមបញ្ចូលទាំងការដាក់កិច្ចសន្យាឆ្លាតវៃ ការសាកល្បងកម្មវិធីវិមជ្ឈការ (dApps) និងការពិសោធន៍ជាមួយមុខងារផ្សេងៗទៀត។ o ជំហានទី3 ការដាក់ឲ្យអនុវត្តលើ Holesky នៅថ្ងៃទី 07 ខែកុម្ភៈ ឆ្នាំ 2024 រចនាឡើងសម្រាប់ការរៀបចំហេដ្ឋារចនាសម្ព័ន្ធ និងការអភិវឌ្ឍន៍សម្រាប់ធ្វើតេស្តមុខងារដូចជា validator, upgrade protocol, and stake mechanisms ដើម្បីធ្វើឱ្យប្រសើរឡើងសម្រាប់ Dencun នាពេលខាងមុខ។ Ethereum ដំណើរការចន្លោះ 15 ប្រតិបត្តិការក្នុងមួយវិនាទី (TPS) ទាបជាង blockchains ដៃគូរប្រកួតប្រជែងផ្សេងទៀតដូចជា Solana និង Avalanche ដែលបណ្តាលឱ្យមានការកកស្ទះបណ្តាញ ថ្លៃសេវាខ្ពស់ និងរយៈពេលប្រតិបត្តិការយឺត ធ្វើឱ្យអ្នកប្រើប្រាស់មានការខកចិត្ត ។ Ethereum បង្កើត Dencun ក្នុងគោលបំណងដោះស្រាយបញ្ហាប្រឈមទាំងនេះ និងជំរុញ Ethereum ទៅកាន់អនាគតនៃបច្ចេកវិទ្យា blockchain ។ សរុបមក Dencun គឺជាជំហានដ៏សំខាន់មួយនៅក្នុងការវិវត្តន៍របស់ Ethereum ដែលវាជួយដោះស្រាយបញ្ហាប្រឈមផ្នែកវិសាលភាព បង្កើនសុវត្ថិភាព និងប្រសិទ្ធភាពសម្រាប់អនាគត។ ម្យ៉ាងវិញទៀតការ Upgrade មួយអាចជួយប្រព័ន្ធអេកូរបស់ Ethereum នឹងមានសន្ទុះឡើងដូច Solana ,Bitcoin និង Avalanche នេះបើយោងតាមអ្នកជំនាញបានព្យាករណ៏។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap