ពិតានបំណុល Debt Ceiling គឺជាទំហំកំណត់លើចំនួនប្រាក់ដែលរដ្ឋាភិបាលសហរដ្ឋអាមេរិក អាចខ្ចីបានដើម្បីបង់ថ្លៃសេវានានា ដូចជាសេវាសន្តិសុខសង្គម សេវាសុខាភិបាល និងសេវាយោធាជាដើម។ ជារៀងរាល់ឆ្នាំ រដ្ឋាភិបាលតែងយកប្រាក់ចំណូលបានមកពីពន្ធ និងពីចរន្តផ្សេងៗទៀតដើម្បីធ្វើការសងបំណុល ប៉ុន្តែការចំណាយចុងក្រោយមកនេះ ស្រាប់តែច្រើនជាងប្រាក់ចំណូល។ ហេតុនេះហើយ បានធ្វើឱ្យរដ្ឋាភិបាលអាមេរិក ជួបប្រទះបញ្ហាបំណុលជាតិដែលដោះស្រាយមិនចេញ។ ថ្ងៃទី 28 ឧសភា ប្រធានាធិបតីអាមេរិកលោក Joe Biden និងប្រធានសភាតំណាងរាស្រ្តអាមេរិក McCarthy បានឈានដល់កិច្ចព្រមព្រៀងជាគោលការណ៍ស្តីពីការតម្លើងពិតានបំណុល (Debt Celling) ដើម្បីដោះស្រាយបញ្ហាបំណុលជាតិ ។ ប្រធានសភាតំណាងរាស្រ្តអាមេរិក លោក McCarthy បាននិយាយថាឆាប់ៗនេះ លោកនឹងបោះឆ្នោតឱ្យកិច្ចព្រមព្រៀងនឹងធ្វើការដោះស្រាយបញ្ហាបំណុល ហើយលោកបានធ្វើការទំនាក់ទំនងកាលពីថ្ងៃសៅរ៍ជាមួយប្រធានាធិបតីសហរដ្ឋអាមេរិកលោក Joe Biden ។ កិច្ចព្រមព្រៀងស្តីពីការតម្លើងពិតានបំណុល (Debt Celling) នេះនឹងកាត់បន្ថយការចំណាយជាច្រើនជាប្រវត្តិសាស្ត្រ ហើយនឹងមិនមានការបន្ដែមពន្ធ ឬកម្មវិធីថ្មីនៅក្នុងកិច្ចព្រមព្រៀងនោះទេ។ សេចក្តីព្រាងនៃសេចក្តីព្រាងច្បាប់នេះ ត្រូវបានគេរំពឹងថានឹងបញ្ចប់ និងបោះពុម្ពផ្សាយនៅថ្ងៃអាទិត្យ ដោយមានការបោះឆ្នោតលើកិច្ចព្រមព្រៀងដែលរំពឹងទុកនៅថ្ងៃពុធ។ រដ្ឋមន្ត្រីក្រសួងរតនាគារសហរដ្ឋអាមេរិកអ្នកស្រី Yellen បានព្រមានថា ការពន្យារការតម្លើងពិដានបំណុល (Debt Celling) ត្រូវតែបញ្ចប់ត្រឹមថ្ងៃទី 5 ខែមិថុនា ដើម្បីជៀសវាងការខកខានជាប្រវត្តិសាស្ត្រ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap