រឿងនេះកើតឡើងដោយសារអត្ថបទមួយនៅក្នុង Twitter ដោយលើក Bill Gates និង Warren Buffett ជាឧទាហរណ៍ដោយប្រើជាមូលដ្ឋានដោយចង់បង្ហាញការមិនធ្វើការវិនិយោគចម្រុះគឺជាការវិនិយោគល្អ។ ប៉ុន្ដែលោក Vitalik Buterin បានសង្កត់ធ្ងន់ថាការវិនិយោគចម្រុះគឺជារឿងល្អ (Diversification is good) និងផ្តល់នូវទស្សនវិជ្ជាវិនិយោគផ្ទាល់ខ្លួនរបស់គាត់។

គន្លឹះដំបូងរបស់ Vitalik គឺថាការធ្វើការវិនិយោគចម្រុះគឺជាយុទ្ធសាស្ត្រដ៏ល្អ។ លោកជឿជាក់ថា ការវិនិយោគចម្រុះទៅក្នុងវិស័យផ្សេងៗអាចកាត់បន្ថយហានិភ័យ និងធានាបាននូវស្ថិរភាពនៅពេលមានការប្រែប្រួលក្នុងទីផ្សារ។ ទីពីរ Vitalik បានិយាយថាវិនិយោគិនគួរតែធានាថាពួកគេមានទុនបំរុងគ្រប់គ្រាន់មុនពេលវិនិយោគដោយការពារក្នុងករណីដែលមិនបានមើលឃើញទុកជាមុន។ ទីបីគឺរក្សាវិចារណញ្ញាណជាមួយនឹងការវិនិយោគភាគច្រើន។ នេះមានន័យថា វិនិយោគិនគួរតែរក្សាវិចារណញ្ញាណ ចំពេលដែលទីផ្សារមានការប្រែប្រួល ដោយធានារថាមិនត្រូវរងផលប៉ះពាល់ដោយការប្រែប្រួលរបស់ទីផ្សារក្នុងរយៈពេលខ្លីនោះទេ។ ជាចុងក្រោយ Vitalik បានព្រមានអ្នកវិនិយោគកុំឱ្យប្រើ Leverage លើសពី 2 ដង។ ការជួញដូរដោយប្រើ Leverage គឺជាវិធីសាស្ត្រវិនិយោគដែលមានហានិភ័យខ្ពស់ និងបានផលចំណេញខ្ពស់ (High risk high return) ប៉ុន្តែវាក៏អាចនាំទៅរកការខាតបង់ធំជាងមុនផងដែរ។ ដំបូន្មានរបស់គាត់គឺត្រូវប្រុងប្រយ័ត្ន និងជៀសវាងការប្រើ Leverage ច្រើនពេក ដើម្បីកាត់បន្ថយការខាតបង់ដែលអាចកើតមាន។ គន្លឹះទាំងនេះតំណាងឱ្យទិដ្ឋភាពបែបអភិរក្សនៅក្នុងពិភពហិរញ្ញវត្ថុ និងការវិនិយោគបែបប្រពៃណី ដោយសង្កត់ធ្ងន់លើសារៈសំខាន់នៃផែនការហិរញ្ញវត្ថុ និងការគ្រប់គ្រងហានិភ័យ។ ទោះជាយ៉ាងណាក៏ដោយ សម្រាប់វិនិយោគិនដែលទម្លាប់ធ្វើប្រែ Leverage ខ្ពស់នៅក្នុងវិស័យគ្រីបតូដំបូន្មានទាំងនេះអាចមើលទៅមានលក្ខណៈអភិរក្ស ដែលបង្កឱ្យមានការពិភាក្សាមួយចំនួន។ អ្នកនិយមលេងអ៊ីនធឺណិតមួយចំនួនជឿថា ការផ្ដល់យោបល់ទាំងនេះគឺសមរម្យសម្រាប់អ្នកដែលមានទ្រព្យសម្បត្តិស្តុកទុករួច ប៉ុន្តែប្រហែលជាមិនសមស្របចំពោះមនុស្សដែលប្រាថ្នាចង់ក្លាយជាអ្នកមាននោះទេ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap