នៅថ្ងៃទី 29 ខែឧសភា យោងតាមសារព័ត៌មាន ​​Antara រដ្ឋាភិបាលកោះបាលីនឹងធ្វើការបង្ក្រាបភ្ញៀវទេសចរបរទេសដែលប្រើប្រាស់រូបិយប័ណ្ណគ្រីបតូជាមធ្យោបាយទូទាត់នៅក្នុងសណ្ឋាគារ ភោជនីយដ្ឋាន កន្លែងទេសចរណ៍ ផ្សារទំនើប និងកន្លែងផ្សេងៗទៀត។ អភិបាលកោះបាលីលោក Wayan Koster បាននិយាយថា “ភ្ញៀវទេសចរបរទេសដែលប្រព្រឹត្តិសកម្មភាពមិនសមរម្យ ដោយចូលរួមក្នុងសកម្មភាពដែលមិនត្រូវបានអនុញ្ញាតនៅក្នុងទិដ្ឋាការរបស់ពួកគេ ដូចជាការប្រើប្រាស់រូបិយប័ណ្ណគ្រីបតូជាមធ្យោបាយទូទាត់ប្រាក់ ទង្វើបែបនេះបានបំពានទៅលើបទប្បញ្ញត្តិដែលរដ្ឋាភិបាលឥណ្ឌូនេស៊ីបានចែង។ លោក Wayan Koster បាននិយាយថា ប្រទេសឥណ្ឌូនេស៊ីហាមឃាត់ការប្រើប្រាស់រូបិយប័ណ្ណផ្សេងក្រៅពីប្រាក់ រូពៀ របស់ឥណ្ឌូនេស៊ីជាមធ្យោបាយនៃការទូទាត់ ដោយយោងទៅលើច្បាប់រូបិយប័ណ្ណលេខ 7 ឆ្នាំ 2011។ យោងតាមច្បាប់ ការប្រើប្រាស់រូបិយបណ្ណផ្សេងទៀតក្រៅពីប្រាក់រូពី ត្រូវផ្តន្ទាទោសដាក់ពន្ធនាគាររហូតដល់ 1 ឆ្នាំ និងពិន័យជាប្រាក់រហូតដល់ 200 លានរូពី (ប្រហែល 13,300 ដុល្លារ)។

ប្រភព: Antara

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap