កម្មវិធីបញ្ជាពីចម្ងាយ AnyDesk ត្រូវបានវាយប្រហារ ហើយប្រភពកូដ និងសោឯកជនត្រូវបានលួច
CamboSwap
2024-02-05
382 View
ប្រភព: techcrunch.com
AnyDesk បានចាត់វិធានការដោះស្រាយ រួមទាំងការដកហូតវិញ្ញាបនបត្រដែលទាក់ទងនឹងសុវត្ថិភាព ការធ្វើបច្ចុប្បន្នភាពប្រព័ន្ធដែលរងផលប៉ះពាល់ និងការអំពាវនាវឱ្យអ្នកប្រើប្រាស់ធ្វើបច្ចុប្បន្នភាពទៅកំណែចុងក្រោយបំផុតនៃកម្មវិធី។ កម្មវិធីកុំព្យូទ័រពីចម្ងាយ AnyDesk បានចេញសេចក្តីណែនាំអំពីសុវត្ថិភាពនៅព្រឹកថ្ងៃសៅរ៍ ដោយបញ្ជាក់ថា ម៉ាស៊ីនមេរបស់ក្រុមហ៊ុនខ្លួនត្រូវបានវាយប្រហារដោយបណ្តាញ Hacker បានលួចផ្នែកខ្លះនៃប្រភពកូដ និងសោឯកជន។ យោងតាមលទ្ធផលស្វែងរករបស់ Shodan សហរដ្ឋអាមេរិក និង ចិន មានចំណុចរងគ្រោះរបស់ AnyDesk ច្រើនបំផុត និងការចែកចាយនៃការបញ្ចារពីចម្ងាយ AnyDesk ដែលរងផលប៉ះពាល់ទូទាំងពិភពលោកមានដូចខាងក្រោម (ច្រក 7070):
AnyDesk គឺជាដំណោះស្រាយផ្ទៃតុបញ្ចារពីចម្ងាយដ៏ពេញនិយមដែលប្រើជាទូទៅសម្រាប់ការគ្រប់គ្រង IT សហគ្រាស និងការចូលប្រើឯកសារពីចម្ងាយ។ ការវាយប្រហារនេះបានបង្កឱ្យមានការព្រួយបារម្ភអំពីសុវត្ថិភាពជាច្រើន ជាពិសេសចាប់តាំងពីកម្មវិធី AnyDesk(ស្រដៀងទៅនឹង TeamViewer) មានប្រជាប្រិយភាព ការវាយប្រហារបែបនេះជាការវាយប្រហារដ៍គួរអោយខ្លាចមួយ ក្នុងចំណោមការវាយប្រហារដូចជា ransomware និង APT ហើយជារឿយៗ កុំព្យូទ័ររបស់ជនរងគ្រោះ ត្រូវបានចូលប្រើប្រាស់ ជាបន្តបន្ទាប់ដោយក្រុមអ្នកវាយប្រហារដែលមានគំនិតអាក្រក់។ AnyDesk បាននិយាយនៅក្នុងសេចក្តីថ្លែងការណ៍មួយថា ពួកគេបានចាប់ផ្តើមផែនការឆ្លើយតបសុវត្ថិភាពភ្លាមៗ នៅពេលដែលពួកគេបានរកឃើញភាពមិនប្រក្រតីនៅក្នុងប្រព័ន្ធម៉ាស៊ីនមេ ហើយបានសហការជាមួយក្រុមហ៊ុនសុវត្ថិភាព CrowdStrike ដើម្បីស៊ើបអង្កេត។ វាមិនច្បាស់ទេថាតើអ្នកវាយប្រហារបានលួចទិន្នន័យអ្នកប្រើប្រាស់ឬអត់ ប៉ុន្តែ BleepingComputer បានបញ្ជាក់ពីការលេចធ្លាយនៃប្រភពកូដ និងសោឯកជន។
