បន្ទាប់ពីចូលឆ្នាំចិនថ្ងៃដំបូង! Bitcoin បានកើនឡើងតម្លៃ $48,000 នៅប្រហែលម៉ោង 2:15 ព្រឹក ថ្ងៃទី 10 ។ ទោះបីជាវាបានធ្លាក់ចុះមកនៅត្រឹម $47,000 ប៉ុន្តែវានៅតែរក្សាការកើនឡើងប្រហែល 3.84% ។ សម្រាប់​ Ethereum បានកើនឡើងលើសតម្លៃ $2,500 នៅម៉ោង 8 យប់ថ្ងៃទី 9 ។ ទោះបីជាវាបរាជ័យក្នុងការទម្លុះតម្លៃខ្ពស់នៅ​ ប៉ុន្ដែវានៅតែមានការកើនឡើង 2.75% ។ យោងតាមទិន្នន័យរបស់ coinglass បរិមាណនៃការដាច់ Account នៅ 24 ម៉ោងចុងក្រោយបានឈានដល់ 158 លានដុល្លារអាមេរិក ដែលក្នុងនោះ Position Short ឈានដល់ 115 លានដុល្លារ។ នៅក្នុងនោះការបញ្ជាទិញទូទាត់ធំបំផុតគឺបានកើតឡើងនៅក្នុង ETH/BTC របស់ Binance ដែលមានតម្លៃ 1.92 លានដុល្លារ។ អ្វីដែលសំខាន់បំផុតនៅក្នុងការធ្លាក់ចុះនាពេលថ្មីៗនេះគឺលំហូរនៃការលក់ចេញរបស់ GBTC បានធ្លាក់ចុះដល់កម្រិតត្រឹមតែ 52 លានដុល្លារអាមេរិកនៅថ្ងៃទី 9 ខែកុម្ភៈនេះមានន័យសម្ពាធនៃការលក់លើ Bitcoin គឺបន្តធ្លាក់ចុះក្នុងរយៈពេលខ្លី។ លើសពីនេះទៀត យោងតាមអ្នកវិភាគរបស់ Bloomberg លោក James Seyffart ទំហំទ្រព្យសកម្មរបស់ Fidelity Wise Origin Bitcoin (FBTC) បានលើសពី 3 ពាន់លានដុល្លារ ហើយលំហូរចូលសុទ្ធនៃ ETFs ទាំងអស់នៅថ្ងៃទី 9 ខែកុម្ភៈ គឺខ្ពស់រហូតដល់ 400 លានដុល្លារអាមេរិក។ យោងតាមរបាយការណ៍មុនរបស់លោក​ Markus Thielen ក៏បានព្យាករណ៍ថាជាមួយនឹងការធ្វើឱ្យប្រសើរឡើងនៃបរិយាកាសម៉ាក្រូសេដ្ឋកិច្ច គោលនយោបាយរូបិយវត្ថុអំណោយផល ផលប៉ះពាល់នៃវដ្តនៃការបោះឆ្នោតនៅសហរដ្ឋអាមេរិក និងការកើនឡើងនៃតម្រូវការរូបិយប័ណ្ណគ្រីបតូពីវិនិយោគិនហិរញ្ញវត្ថុប្រពៃណី តម្លៃនៃ Bitcoin អាចឈានដល់ 70,000 ដុល្លារអាមេរិកនៅចុងឆ្នាំនេះ។

រូបភាពបន្ថែម ៖

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap