ស្រីៗបើកំពុង ជ្រុះសក់ ស្បែកស្រអាប់មិនបាត់ផឹកភេសជ្ជៈ១នេះកុំខាន
CamboSwap
2024-02-16
453 View
ប្រភព: Stylecraze.com និង timesofindia.indiatimes
មនុស្សស្រីភាគច្រើនមិនអត់នោះទេបញ្ហាជ្រុះសក់ ស្បែកស្ងួត ស្បែកស្រអាប់ ឡើងមុនមិនបាត់នោះ។ តែឱ្យតែដឹងពីវិធីបំបាត់បញ្ហានេះនឹងលែងមានរុំារ៉ៃតទៀតហើយ។ ការពិតទៅបញ្ហាស្បែកស្ងួតស្បែកស្រអាប់នេះមកពីខ្វះជាតិទឹកនៅក្នុងស្បែករបស់អ្នក ជាពិសេសរបបអាហារដែលគ្មានជាតិទឹកគ្រប់គ្រាន់។ចំណែកឯសក់ចេះតែជ្រុះវិញគឺមានបញ្ហាច្រើននៅក្នុងនឹងតែយើងសុំលើក១ចំណុចអាចមកពីអ្នកខ្វះវីតាមីននិងសារធាតុចិញ្ចឹមដល់សក់ ធ្វើឱ្យសក់ចេះតែជ្រុះរហូត។ អាស្រ័យហេតុនេះហើយ ក្រុមការងារចាបបៃតង សូមធ្វើការលើកតយកភេសជ្ជៈដែលផឹកជាប្រចាំថ្ងៃអាចមានប្រយោជនន៍ដល់ស្បែក និងសក់របស់អ្នកព្រោះវាមានវីតាមីន សារធាតុចិញ្ចឹមជាពិសេសគឺជាតិទឹកដែលជាតួឯសំខាន់១មិនអាចខ្វះបានឡើយ នេះបើយោងតាមរយៈប្រភព Stylecraze.com និង timesofindia.indiatimes ។ ខាងក្រោមនេះជាភេសជ្ជៈដែលសម្បូរជាតិទឹកនិងវីតាមីនល្អសម្រាប់ស្បែក និងសក់របស់អ្នកឱ្យដុះល្អ លែងសូវជ្រុះ ស្បែកលែងសូវស្រអាប់ ប្រែមកស្រស់ថ្លា ភ្លឺជាងមុនបន្ដិចម្ដងៗឱ្យតែផឹជាប្រចាំ។
ទឹកតាសក់៖ ទឹកតាសក់យើងបានចែករំលែកច្រើនមកហើយ រួមទាំងរបៀបធ្វើភេសជ្ជៈនេះផងដែរ ។ តែមិនទាន់ដឹងថាមានបងប្អូនប៉ុន្មាននាក់បានធ្វើភេសជ្ជៈនេះផឹកហើយឬនៅ? តែបើគ្មានពេលធ្វើអាចញុំាតាសក់លែងក៏បាន។ ចូលមកដល់អត្ថប្រយោជន៍របស់ទឹកតាសកើវិញទៀតវាសម្បូរដោយជាតិទឹក។ ផឹកទឹកតាសក់១កែវប្រចាំថ្ងៃជួយការពារសក់ជ្រុះ ក្រចកដុះល្អទៀត។ ទឹកការ៉ុត៖ នៅក្នុងការ៉ុតសម្បូរដោយ វីតាមីនស៊ី វីតាមីនអេ ដែលវីតាមីននេះ មានប្រយោជន៍ខ្លាំងមែនទែនដល់សក់ ជួយស្ដារសុខភាពរបស់សក់ដែលមិនល្អ មកប្រសើរឡើងវិញ និងផ្ដល់ភាពភ្លឺរលោងដល់សក់ និងពណ៌សក់។ អ្វីដែលពិសេស១ទៀតគឺជួយឱ្យស្បែកក្បាលមានសុខភាពល្អដែលជាហេតុធ្វើឱ្យសក់ដុះមកលឿន ឆាប់វែងនិងជំនួយដល់ស្បែកផងដែរ។ ទឹកក្រូចឆ្មា៖ មានប្រយោជន៍ច្រើនណាស់សម្រាប់សុខភាពរាងកាយ និងស្បែករបស់អ្នកផងដែរ។ ទឹកក្រូចឆ្មាអាចជួយព្យាបាលមុន ឥទ្ធិពលប្រឆាំងនឹងមេរោគ បង្កើនកូឡាជែនដល់ស្បែក ទប់ស្កាត់ភាពចាស់របស់ស្បែក ធ្វើឱ្យស្បែកអ្នកភ្លឺរលោងមានសំណើម៕
