តាមអ្នកជំនាញប្រាប់ ស្រីៗចូលចិត្តញុំាអាហារក្រុមនេះ មុខឆាប់ចាស់ជាងវ័យខ្លាំងណាស់ បើដឹងហើយឈប់ញុំាខ្លះទៅបើចង់មុខក្មេងបានយូរ និយាយពីមុខឆាប់ចាស់ជាងវ័យច្បាស់ណាស់ប្រាកដជាមានបងប្អូនជួបប្រទះបញ្ហានេះច្រើនជាពិសេសបងប្អូនស្រីៗ។ ស្រួលមិនស្រួលឆ្ងល់ខ្លួនឯងទៀត ខំទិញផលិតផលថែមុខឡើងច្រើន ដល់លទ្ធផលមុខចាស់ជាងប្ដីទៀត តែបើមើលទៅប្ដីវិញគ្មានប្រើអីច្រើនទេ តែគាត់បែរជាក្មេងជាងយើងទៅវិញ។ តើបងប្អូនស្រីៗណាខ្លះធ្លាប់ជួបបែបហ្នឹង? ឥឡូវបងប្អូនស្រីៗឈប់ឆ្ងល់ទៀត ក្រុមការងារចាបបៃតង នឹងពាំនាំការបកស្រាយរបស់វេជ្ជបណ្ឌិតជំនាញឯកទេសសើស្បែក បកចែកជួនបងប្អូនថាមូលហេតុអ្វីបានប្រើប្រាស់ផលិតផលពេញតុ តែបើមកមើលមុខវិញចាស់ហៅមិនលឺចាស់ជាងអាយុទៀត។ ជាការពិតណាស់ យោងតាមរយៈការបកស្រាយរបស់វេជ្ជបណ្ឌិត ហាក់ វត្តី បានពន្យល់ថា ជាធម្មតាពី១ថ្ងៃទៅមួយថ្ងៃអាយុរបស់យើងកាន់តែច្រើន កោសិកាកូឡាជេនរបស់យើងកាន់តែខូចខាត HAថយចុះការជ្រួសជុលកោសិកាយើងមិនបានល្អ ជាហេតុធ្វើឱ្យយើងក៏ចាស់ទៅតាមអាយុរបស់យើងវាជារឿងធម្មតា។ កត្តាធំ១ទៀត ដែលបង្កឱ្យយើងចាស់ជាងវ័យនោះគឺកត្តា ពន្លឺព្រះអាទិត្យ ពន្លឺចេញពីទូរស័ព្ទកុំព្យូរទ័រ ពពួកពន្លឺដែលយើងមើលមិនឃើញ មានន័យថាយើងមានអារម្មណ៍ថាក្ដៅៗ តែយើងមើលមិនឃើញទេ ពន្លឺនេះក៏ធ្វើឱ្យយើងឆាប់ចាស់ជាងវ័យដែរ។ ចំពោះមូលហេតុ២០ភាគរយទៀត ដែលវេជ្ជបណ្ឌិតបានបកស្រាយថាជាមូលហេតុដែលបណ្ដាលឱ្យយើងមានមុខចាស់ជាងវ័យដូចគ្នា គឺកត្តារស់នៅ រស់នៅយ៉ាងមិច? មានន័យថារស់នៅមិនដែលធ្វើលំហាត់ប្រាណ កត្តាគេងមិនដែលគ្រប់គ្រាន់ និងកត្តារបបអាហារ។​ កត្តារបបអាហារសម្រាប់អ្នកចូលចិត្តផឹកស្រាច្រើន ជប់លៀងច្រើន ពពួកអាហារមានជាតិផ្អែមច្រើន ពពួកអាហារFast food អាហារបំពង អាហារចៀនដែលមានជាតិខ្លាញ់ខ្ពស់ ជាពិសេសគឺពិសារទឹកមិនបានគ្រប់គ្រាន់ជាប្រចាំថ្ងៃ។ កត្តាទាំងអស់នេះហើយរួមផ្សំធ្វើឱ្យយើងចាស់ជាងវ័យហើយ។ លើសពីនេះមានកត្តា១សំខាន់ចុងក្រោយគឺការប្រើប្រាស់Skin Care (ផលិតផលថែរក្សាស្បែក) មានន័យថាអ្នកប្រើប្រាស់មិនបានត្រឹមត្រូវ។​ ឧ. ជាក់ស្ដែង ប្ដីប្រពន្ធ១គូប្រពន្ធទិញSkin Care ប្រើប្រាស់ឡើងច្រើន ពេញ១តុ​​ចំណែកប្ដីរបស់គាត់ដូចជាមិនមានប្រើប្រាស់អ្វីច្រើនទេ ហើយប្ដីមានអាយុច្រើនជាងប្រពន្ធ តែបែរជាក្មេងជាងប្រពន្ធ ដែលខំប្រើប្រាស់ផលិតផលឡើងច្រើន។ សំណួរសួរថាហេតុអ្វី វេជ្ជបណ្ឌិតបានបកស្រាយថាមូលហេតុនេះមកពីអ្នកជ្រើសរើសផលិតផលសម្រាប់ប្រើប្រាស់ប្រចាំថ្ងៃមិនបានត្រឹមត្រូវ។ មានន័យថាអាចប្រើប្រាស់ផលិតផលជាពពួកកាត់ស្បែក បកស្បែក ផលិតផលដែលមិនសមស្របនឹងស្បែករបស់អ្នក។ កត្តាប្រើប្រាស់ខុសបែបនេះហើយទើបធ្វើឱ្យគាត់ប្រើមិនបាន សរុបមកវិញក្រោយពីអានអត្ថបទនេះចប់ តើបងប្អូនស្រីៗយល់យ៉ាងណា កត្តាទាំងអស់ខាងលើនេះហើយមានចូលចំណុចណា១ទេ? បើមានគួរតែកាត់បន្ថយប្រយ័ត្នមុខកាន់តែចាស់ជាងវ័យខ្លាំងទៅៗពិបាកកែប្រែ៕

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap