ចង់បានស្បែកមានសំណើម លែងស្ងួត ប្រេះ លាបឡេឆាប់ចូល សាកវិធី១នេះ
CamboSwap
2024-02-16
5 View
ចង់បានស្បែកមានសំណើម លែងស្ងួត ប្រេះ លាបឡេឆាប់ចូល សាកវិធី១នេះ ចូលដល់ខែចុះត្រជាក់ ខែក្ដៅស្បែករបស់យើងនឹងចាប់ផ្ដើមស្ងួតគ្មានសំណើម គ្មានសុខភាពល្អទៅជាប្រេះ បែកស្រការ ពិបាកក្នុងការលាបឡេលាបមិនចូលជាដើម។ ចំពោះអ្វីដែលកាន់តែធ្ងន់ធ្ងរទៀតនោះគឺស្បែកអាចប្រឈម ឡើងខ្មៅស្រអាប់ គ្មានសំណើម។ ឥឡូវបញ្ហាស្បែកខាងលើនេះបងប្អូនឈប់បារម្ភទៀតទៅ ក្រុមការងារចាបបៃតង និងណែនាំវិធី១បើបងប្អូនសាកហើយ ធ្វើឱ្យស្បែកខ្លួន មុខ ជាដើមមានសំណើម សុខភាពល្អ កាត់បន្ថយស្នាមខ្មៅ ភាពស្រអាប់ សុខភាពល្អចេញពីក្នុងមកតែម្ដង។ វិធីទី១នោះគឺផឹកទឹក៖ បងប្អូនការថែរក្សាស្បែកឱ្យមានសុខភាពល្អមិនមែនប្រឹងថែតែពីខាងក្រៅនោះទេគឺខាងក្នុងសំខាន់ដូចគ្នា។ អាស្រ័យហេតុនេះហើយ បងប្អូនគួរតែមានទម្លាប់ល្អមួយត្រូវផឹកទឹកឱ្យបានគ្រប់គ្រាន់។ នោះនឹងជួយឱ្យស្បែករបស់បងប្អូនមានជាតិសំណើម ទៅការពារកាត់បន្ថយភាពស្ងួត ប្រេះបែកស្រការ ឬក៏ស្បែកស្រអាប់ដូចមនុស្សឈឺជាដើម ប្ដូរមកវិញនៅស្បែកមានសុខភាពល្អចេញពីខាងក្នុង ។ អាចផឹកពេលព្រឹកបន្ទាប់ពីភ្ញាក់ពីគេង១កែវ ។ បញ្ជាក់បងប្អូនគួរផឹកពេលព្រឹក និងថ្ងៃឱ្យបានគ្រប់គ្រាន់ តែពេលយប់ហាមផឹកច្រើនបើបងប្អូនមិនចង់ឈឺនោមញឹកប៉ះពាល់ដំណេក ប៉ះពាល់តម្រងនោម។ វិធីទី២គឺផឹកទឹកដូង៖ ជាប្រភេទទឹកផ្លែឈើ១ដែលសម្បូរដោយជាតិទឹក ជាតិរ៉ែ សារធាតុចិញ្ចឹមល្អៗជាច្រើន អ្នកអាចផឹកប្រមាណ៥០០មីលីលីត្រក្នុង១ថ្ងៃ។ អ្វីដែលកាន់តែពិសេសទៀតនោះទឹកដូងគឺមានរសជាតិឆ្ងាញ់ផងដែរ។ចំពោះអត្ថប្រយោជន៍របស់ទឹកដូងគឺជួយច្រើនណាស់ ដូចជាជួយដល់សម្រស់ ជួយស្បែក ជួយការពារបេះដូង ការពារក្រួសតម្រងនោម ការពារជំងឺទឹកនោមផ្អែមជាដើម។ · ផឹកនៅពេលព្រឹកក្រោយអាហារពេលព្រឹក៖ វាជួយធ្វើឱ្យអ្នកមានអារម្មណ៍ឆ្អែតបានយូរ និងជួយបង្កើនភាពស៊ាំក្នុងខ្លួនការពារជំងឺផ្សេងៗ · ផឹកក្រោយបាយពេលថ្ងៃ៖ ជួយបំពេញជាតិទឹកដល់រាងកាយ ការពារការរលាក និងការពារស្បែកពីពន្លឺព្រះអាទិត្យ · ផឹកមុនឬក្រោយពេលហាត់ប្រាណនៅពេលល្ងាច(មុនពេលចូលគេងចាប់ពី២ម៉ោងឡើងទៅ)។ វិធីទី៣គឺផឹកទឹកម្នាស់៖ ទឹកម្នាស់គឺសម្បូរសារធាតុចិញ្ចឹមជាច្រើន ហើយមានប្រយោជន៍ខ្លាំងណាស់សម្រាប់សុខភាពស្បែកជួយសម្រស់។ ដូច្នេះប្រសិនណាបងប្អូនមានពេលវេលាគ្រប់គ្រាន់អាចកិនទឹកម្នាស់ញុំាបាន។ ផ្អែកតាមការណែនាំ ពីប្រភព medicalnewstoday អ្នកគួរទទួលទានផ្លែម្នាស់កុំឱ្យលើសពី២ដងក្នុង១ថ្ងៃ និងកុំឱ្យផឹកទឹកម្នាស់លើសពី១កែវក្នុង១ថ្ងៃ៕
