ក្រុមអាហារជំនួយខួរក្បាល និង កម្ពស់កុមារ ម៉ាក់ប៉ាត្រូវ ឱ្យកូនញុំាកុំខាន
CamboSwap
2024-02-16
544 View
អាហារគឺពិតជាសំខាន់ខ្លាំងបំផុតសម្រាប់ជួយកុមារឱ្យលូតលាស់ល្អ ទាំងរាងកាយ ខួរក្បាល កម្ពស់។ របបអាហារគឺជាតួឯកដ៏សំខាន់មិនអាចខ្វះបានសោះឡើយប្រសិនណាម៉ាក់ប៉ាចង់ឱ្យកូនៗអភិវឌ្ឍផ្នែកខួរក្បាលល្អ រាងកាយមាំមួន កម្ពស់លូតលាស់ល្អកុំរំលងរបបអាហារប៉ូវរាងលាយកុមារ៥មុខខាងក្រោមនេះ។ ជាការពិតណាស់ កូនជាកែវភ្នែកកូនជាបេះដូង ជាដង្ហើមរបស់ឪពុកម្ដាយ។ គ្រប់ឪពុកម្ដាយតែងចង់ឱ្យកូនៗកើតមានមានសុខភាពល្អ ស្អាតឆ្លាត។ ក៏ប៉ុន្ដែការចង់បានបែបនេះមិនមែនចេះតែអាចទៅរួចនោះទេ គឺត្រូវតែមានកត្តារួមផ្សំ ដូចជាការបង្ហាត់បង្រៀន និងរបបអាហារដែលកូនៗជាទីស្រឡាញ់របស់អ្នកត្រូវញុំារាប់តាំងពីតូចរហូតដល់ធំ។ ក្នុងនោះផងដែរ តាមរយៈគេហទំព័រ uclahealth.orgគេបានណែនាំរបបអាហារ៥មុខ ដែលម៉ាក់ប៉ាកុំចោលឱ្យសោះគួរឧស្សាហ៍ឱ្យកូនៗរបស់អ្នកញុំាឱ្យបានគ្រប់គ្រាន់។ ព្រោះអាហារទាំងនេះមានអត្ថប្រយោជម៍ជួយជំនួយខួរក្បាលកុមារឱ្យលូតលាស់ល្អ រួមទាំងឆាប់លូតកម្ពស់។ អាហារទាំងនោះមានដូចជាពពួក៖ -ស៊ុត៖ ស៊ុតនៅតែជាប់ជាអាហារដែលមានប្រយោជន៍ច្រើនសម្រាប់សុខភាពរបស់កុមារកំពុងលូតលាស់។ ក៏ព្រោះនៅក្នុងស៊ុតគឺមានផ្ទុកទៅដោយ វីតាមីនអេ ឌី វីតាមីនបេ១២ សារធាតុ lutein និង zeaxanthin ដែលមានអត្ថប្រយោជន៍ជំនួយខួរក្បាល រួមទាំងជំនួយសុខភាពភ្នែកផងដែរ។ បញ្ជាក់ប្រសិនណាកូនៗរបស់អ្នកមានបញ្ហាអាឡែហ្សីជាមមួយស៊ុតគួរកុំបង្ខំឱ្យកូនញុំា។ -បន្លែបៃតង៖ បន្លែបៃតង សម្បូរដោយជាតិដែក នឹងវីតាមីនច្រើនប្រភេទ ដែលមានប្រយោជន៍ច្រើនសម្រាប់សុខភាពរបស់កុមារ។ តាមការសិក្សាស្រាវជ្រាវ បានបញ្ជាក់ឱ្យដឹងថាកុមារដែលញុំាបន្លែបៃតងសម្បូរជាតិដែកគ្រប់គ្រាន់ទំនងជាការការលូតលាស់ខួរក្បាល មានការយល់ដឹង ប្រសើរ ជាងក្មេងដែលមិនសូវញុំា។ -គ្រាប់ធញ្ញជាតិ៖ គ្រប់គ្នាគិតថាគ្រាប់ធញ្ញជាតិមិនសូវសំខាន់ តែតាមពិតគ្រាប់ធញ្ញជាតិគឺមានប្រយោជន៍ខ្លាំងណាស់សម្រាប់សុខភាពរបស់កុមារ។ គ្រាប់ធញ្ញជាតិសម្បូរដោយអាស៊ីតខ្លាញ់ល្អៗជំនួយដល់ផ្នែកខួរក្បាល ជាពិសេសមានប្រយោជន៍ជំនួយដល់សុខភាពផ្លូវចិត្តរបស់កុមារ ធ្វើឱ្យក្មេងស្វាហាប់ ក្លាហ៊ាន និងឆ្លាតផងដែរ។ -សណ្ដែក៖ មានក្មេងៗភាគច្រើនមិនសូវចូលចិត្តញុំាសណ្ដែកទេ អាចថាមិនមានទម្លាប់ញុំាយូរញុំាម្ដងជាហេតុធ្វើឱ្យកុមារមិនសូវចូលចិត្ត។ ក៏ប៉ុន្ដែប្រសិនណាកុមារបានញុំាសណ្ដែកគ្រប់គ្រាន់គឺល្អខ្លាំងសម្រាប់ការលូតលាស់ ខួរក្បាល កម្ពស់ផងដែរ។ ព្រោះនៅក្នុងសណ្ដែកសម្បូរសារធាតុរ៉ែ ដូចជាដែក ស័ង្កសី អាស៊ីតអូមេហ្គា៣ជាដើម សុទ្ធសឹងជាសារធាតុមិនអាចខ្វះបាន។ -គ្រឿងសមុទ្រ+សាច់គ្មានខ្លាញ់អាក្រក់៖ ក្រៅពីបន្លែផ្លែឈើ សាច់ក៏មានសារសំខាន់សម្រាប់ជួយទ្រទ្រង់រាងកាយ និងជំនួយដល់ការលូតលាស់ផងដែរ។ មានដូចជាគ្រឿងសមុទ្រនិង ប្រភេទសាច់គ្មានខ្លាញ់ដូចជា ត្រីជាដើម។ ចំពោះគ្រឿងសមុទ្រវិញមានដូចជា បង្គារ បង្កង ក្តាមជាដើមសុទ្ធតែសម្បូរវីតាមីន។
