ជាមួយនឹងការកើនតម្លៃ Bitcoin ខ្ពស់នាពេលថ្មីៗនេះ វេទិកាស៊ើបការណ៍ទិន្នន័យតាមខ្សែសង្វាក់ប្លុកឆេន Arkham បានតាមដាននូវការផ្ទេរ Bitcoin ដ៏ធំដែលរឹបអូសដោយរដ្ឋាភិបាលសហរដ្ឋអាមេរិក សរុបចំនួន 15,000 BTC ។ នៅព្រឹកថ្ងៃទី29 ខែកុម្ភៈ Bitcoin បានឡើងដល់ $64,000 ហើយធ្លាក់ចុះមកដល់ $59,000 ដែលបណ្ដាលមនុស្ស 180,000 នាក់ខាតបង់ទឹកប្រាក់សរុបចំនួន 700 លានដុល្លារ។ តើរដ្ឋាភិបាលសហរដ្ឋអាមេរិកជាអ្នកលក់នៅតម្លៃកំពូល? បន្ទាប់ពីតម្លៃនៃ Bitcoin បានកើនឡើងដល់ $ 64,000 កាបូបដែលត្រូវបានរឹបអូសដោយរដ្ឋាភិបាលសហរដ្ឋអាមេរិកបានផ្ទេរ 1 Bitcoin នៅម៉ោងប្រហែល 1:39 កន្លះម៉ោងក្រោយមក Bitcoin ដែលនៅសល់ចំនួន 2,817 BTC នៅក្នុងកាបូបក៏ត្រូវបានផ្ទេរផងដែរ ដោយតម្លៃសរុបនៃការផ្ទេរនេះគឺប្រហែល 173 លានដុល្លារ។ បន្ទាប់មកកាបូបមួយផ្សេងទៀតដែលមានមាន Bitcoin ចំនួន 12,300 BTC ដំបូងបានផ្ទេរ 0.01 BTC ទៅអាសយដ្ឋានដែលមិនស្គាល់ ហើយបន្ទាប់មក BTC ដែលនៅសល់ក៏ត្រូវបានផ្ទេរចេញផងដែរ។ តម្លៃនៃប្រតិបត្តិការមួយនេះគឺប្រហែល 750 លានដុល្លារ ហើយនៅទីបំផុតតម្លៃសរុបនៃ Bitcoin ដែលបានផ្ទេរពីកាបូបទាំងពីរគឺប្រហែល 923 លានដុល្លារ។

ដូចហ្នឹងអ្វីដែលយើងបានដឹង Bitcoin បានធ្លាក់ចុះភ្លាមៗបន្ទាប់ពីឡើងដល់ $ 64,000​ដែលបណ្ដាលមនុស្ស 180,000 នាក់ខាតបង់ទឹកប្រាក់សរុបចំនួន 700 លានដុល្លារ។ ដូច្នេះតើការផ្ទេរកាក់របស់រដ្ឋាភិបាលសហរដ្ឋអាមេរិកមួយនេះជាការលក់នៅតម្លៃកំពូល ឬត្រៀមបន្ទាប់មិនទាន់មានការបកស្រាយនៅឡើយ។ ម្យ៉ាងវិញទៀតដោយសារ រដ្ឋាភិបាលសហរដ្ឋអាមេរិកគឺជាត្រីបាឡែន Bitcoin ដ៏ធំបំផុតមួយនៅក្នុងពិភពលោក បន្ទាប់ពី Satoshi Nakamoto និង Binance។ យោងតាមទិន្នន័យពីវេទិកាស៊ើបការណ៍សម្ងាត់រូបិយប័ណ្ណ Arkham រដ្ឋាភិបាលសហរដ្ឋអាមេរិកបច្ចុប្បន្នគឺជាត្រីបាឡែន Bitcoin ដ៏ធំបំផុតមួយនៅក្នុងពិភពលោក ជាមួយនឹងការកាន់កាប់ Bitcoin របស់ខ្លួននាពេលបច្ចុប្បន្នមានចំនួន 200,000 ដែលមានតម្លៃសរុប 12,2 ពាន់លានដុល្លារ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap