📌 ថ្មីៗនេះ ក្រុមហ៊ុន VC ធំមួយ មានឈ្មោះថា BlackRock បានវិនិយោគក្នុងទំហំទឹកប្រាក់ចំនួន 100 លានដុល្លារអាមេរិក ($100 million) ទៅលើគម្រោង RWAs។ តើ RWAs ជាអ្វី? ហេតុអ្វីបានជាក្រុមហ៊ុននោះហ៊ានដាក់ទុនច្រើនបែបនេះ? 🟢 RWAs មានពាក្យពេញថា Real World Assets សំដៅដល់និមិ្មតសញ្ញាឌីជីថល (Tokenization) ដែលសម្គាល់ឲ្យទ្រព្យសម្បត្តិរូបី និងអរូបី នៅក្នុងពិភពពិត។ Real World Assets ត្រូវបានបង្កើតឡើងដោយប្រើប្រាស់បច្ចេកវិទ្យាប្លុកឆេន (Blockchain Technology) ដោយភ្ជាប់វាទៅនឹងទ្រព្យរូបី និងអរូបី នៅក្នុងពិភពពិត ដូចជា ទំនិញ, អចលនទ្រព្យ, ភាគហ៊ុន, លោហៈធាតុ (មាស) ឬ Collectibles (ការប្រមូលផ្តុំនៃ Collection ថ្មីៗ និងមានតម្លៃ) ជាដើម។ ✅ មុខងារដ៏សំខាន់របស់ Real World Assets គឺធ្វើឲ្យមនុស្សគ្រប់គ្នាអាចទិញ និងប្រើប្រាស់ទ្រព្យសម្បត្តិ ឬវត្ថុអ្វីមួយដែលមានតម្លៃខ្ពស់នៅក្នុងពិភពពិត ដោយទទួលបានតម្លៃសមរម្យ នៅចន្លោះទំហំណាមួយ ក្នុងពិភពនិម្មិត (Virtual World)។ លើសពីនេះទៀត Real World Assets ក៏មានមុខងារជួញដូរ (Trade) ដូចជាគ្រីបតូដែរ ហើយមិនមានកំណត់ពេលវេលាទេ គឺ អាចជួញដូរ (Trade) បាន 24ម៉ោង ក្នុង 1សប្តាហ៍។ 👉 Real World Assets ទទួលបានការចាប់អារម្មណ៍ពីក្រុមហ៊ុន និងស្ថាប័នហិរញ្ញវត្ថុធំៗ ដូចជា ធនាគារ Goldman Sachs និង J.P. Morgan តាំងពីឆ្នាំ 2023 មកម្ល៉េះ ហើយបច្ចុប្បន្នក៏កំពុងបន្តរីកចម្រើន និងទទួលបាន ការចាប់អារម្មណ៍ថែមមួយកម្រិតទៀត នៅក្នុងវិស័យ DeFi ឬ Crypto ក្នុងឆ្នាំ 2024 នេះផងដែរ។ ✍️ ប្រសិនបងប្អូនទាំងអស់គ្នា ចង់ស្វែងយល់ឲ្យបានកាន់តែច្បាស់ បងប្អូនអាចចូលទៅកាន់វេបសាយ ដែលមានឈ្មោះថា "CoinGecko" ឬ "CoinMarketCap" ហើយស្វែងរក ពាក្យថា "Categories" រួចវាយពាក្យ "RWAs" ឬ​ "Real World Assets" នេះបាន។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap