តម្លៃភាគហ៊ុនរបស់ក្រុមហ៊ុនដែលបានចុះបញ្ជីនៅហុងកុង "Tianrui Cement" បានធ្លាក់ចុះ 99% ក្នុងរយៈពេល 15 នាទីមុនពេលបិទកាលពីម្សិលមិញ (ថ្ងៃទី 9) ហើយតម្លៃទីផ្សាររបស់វាបានបាត់បង់អស់ 14.548 ពាន់លានដុល្លារហុងកុង។ ទោះ​ជា​យ៉ាង​ណា មន្ត្រី​ពាក់ព័ន្ធនៅ​មិន​ទាន់​អាច​ពន្យល់​បាន​ច្បាស់​ពី​មូលហេតុ​នៃ​ការ​ធ្លាក់​ចុះ​នេះ​ទេ។ អ្នកនិយមលេងអ៊ីនធឺណិតមួយចំនួនបាននិយាយបែបចំអកថា RugPull មិនត្រឹមតែសំដៅនៅក្នុងវិស័យរូបិយប័ណ្ណគ្រីបតូ។ ទីផ្សារភាគហ៊ុនហុងកុងបានធ្លាក់ចុះកាលពីពេលថ្មីៗនេះ។ ក្នុងចំនោមនោះភាគហ៊ុនរបស់ក្រុមហ៊ុន Tianrui Cement ដែលជាក្រុមហ៊ុនចិនមានតម្លៃរាប់ពាន់លានដុល្លារហុងកុងបានធ្លាក់ចុះពី 5 ដុល្លារហុងកុងក្នុងមួយហ៊ុនមក 0.048 ដុល្លារហុងកុងក្នុងរយៈពេល 15 នាទីមុនពេលបិទកាលពីម្សិលមិញច្រើនជាង 99% ។ តម្លៃទីផ្សាររបស់វាបានបាត់បង់អស់ 14.54 ពាន់លានដុល្លារហុងកុងក្នុងមួយថ្ងៃ ដែលបង្កើតអព្ភូតហេតុប្រវត្តិសាស្ត្រនៅក្នុងទីផ្សារភាគហ៊ុនហុងកុង។

ក្រុមហ៊ុន "Tianrui Cement" បានចេញសេចក្តីប្រកាសមួយដោយនិយាយថា ខ្លួននឹងបញ្ឈប់ការជួញដូរភាគហ៊ុនពាក់ព័ន្ធជាបណ្តោះអាសន្ន។ ទោះបីជាយ៉ាងណាក៏ដោយ មិនទាន់មានការពន្យល់ជាផ្លូវការអំពីមូលហេតុនៃការធ្លាក់ចុះយ៉ាងឆាប់រហ័សនៃតម្លៃភាគហ៊ុននោះទេ។ មានតែប្រព័ន្ធផ្សព្វផ្សាយរបស់ប្រទេសចិនបានដកស្រង់សម្តីបុគ្គលិករបស់ក្រុមហ៊ុនមេ Tianrui Group ដោយសង្កត់ធ្ងន់ថា "បច្ចុប្បន្នការផលិត និងប្រតិបត្តិការគឺធម្មតា ហើយយើងមិនដឹងទេមូលហេតុ​នៃ​ការ​ធ្លាក់​ចុះ​ភ្លាមៗ​នៃ​តម្លៃ​ភាគហ៊ុន"។ អ្នកវិភាគមកពីក្រុមហ៊ុនមូលបត្រហុងកុងបាននិយាយថា "តម្លៃភាគហ៊ុនបានធ្លាក់ចុះ 99% វាទំនងប្រហែលលមកពីភាគហ៊ុនត្រូវបាន គេ Trade ហើយបងដាច់ Position ដោយអ្នកដែលខ្ចីភាគហ៊ុនយក Trade មិនមានលុយតម្ដល់បន្ថែមសម្រាប់ទប់ដូច្នេះបានធ្វើឱ្យ Position ត្រូវបាន Liquidate"។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap