Runes Protocol គឺជាវិធីសាស្ដ្រថ្មីមួយដែលផ្តល់ភាពងាយស្រួលក្នុងការបង្កើត និងគ្រប់គ្រង កាក់ដោយផ្ទាល់នៅលើ Blockchain Bitcoin ។ Runes Protocol ត្រូវបានដាក់អោយប្រើប្រាស់នៅថ្ងៃទី 20 ខែ មេសា ឆ្នាំ 2024 នេះដែលត្រូវជាថ្ងៃ Bitcoin Halving លើកទី 4 ហើយជាមួយនឹងការដាក់ដំណើរការ Runes Protocol ក៏បានធ្វើអោយ Fee ក្នុង Bitcoin បានកើនឡើងខ្ពស់ផងដែរដែលជាមធ្យមគឺ $127 ។ Background របស់ Runes Protocol៖ RUNES Protocol ត្រូវបានបង្កើតឡើងដោយលោក Casey Rodarmor ដែលជាមនុស្សតែមួយដែលបានបង្កើត Ordinals Protocol ក្នុងគោលបំណងធំគឺផ្តល់ភាពងាយស្រួលក្នុងការបង្កើតកាក់ក្នុង Bitcoin ដូចគ្នាទៅនឹង Solana និង Ethereum ជាដើមខណ:ដែលកន្លងមកមាន BRC-20 និង SRC-20 ដែលពឹងផ្អែកទៅលើ Ordinals តែវាបានផ្តល់ផលប៉ះពាល់ដល់ Bitcoin Network ដែលហាក់ដូចជាទៅវាយប្រហារ Bitcoin Network ។ ដោយយល់ឃើញអំពីបញ្ហារបស់ BRC-20 និង SRC-20 ទើបលោក Casey Rodarmor បានស្វែងរកមធ្យោបាយថ្មីដែលជាចុងក្រោយនៅខែកញ្ញា ឆ្នាំ 2023 លោកបានសម្រេចចិត្ត និងប្រកាសបង្កើត RUNES Protocol ដើម្បីដោះស្រាយបញ្ហាទាំងនេះ។

ដំណើរការរបស់ ​RUNES Protocol ដំណើរការរបស់ RUNES Protocol គឺផ្តោតទៅលើពាក្យបច្ចេកទេសចំនួន 2 គឺ UTXO, និង OP_RETURN។ 1 UTXO (Unspent Transaction Output) : គឺជារូបិយប័ណ្ណគ្រីបតូដែលនៅសេសសល់បន្ទាប់ពីយើងបានធ្វើប្រតិបត្តិការមួយ ដូច្នេះហើយក្នុង UTXO នេះអាចផ្ទុក RUNES បានតាមចំនួនដែលអ្នកប្រើប្រាស់ចង់ផ្ទុក។ 2 OP_RETURN គឺ opcode ដែលជួយអោយអ្នកប្រើប្រាស់អាចភ្ជាប់ទិន្នន័យផ្សេងៗទៅក្នុង Bitcoin Transaction ដោយមិនប៉ះពាល់ដល់ Bitcoin Network ។ • OP_RETURN អាចអោយអ្នកប្រើប្រាស់ផ្ទុកទិន្នន័យរហូតដល់ 80 bytes ទៅក្នុងប្រតិបត្តិការដែលមិនអាចប្រើប្រាស់ (Unspendable Transaction) ដែលចំនួននេះគឺគ្រប់គ្រាន់អាចអោយវាផ្ទុកទិន្នន័យសំខាន់ៗដូចជា ឈ្មោះ, ID, និម្មិតសញ្ញា ក៏ដូចជាទិន្នន័យសំខាន់ៗផ្សេងទៀតបាន។ ទិន្នន័យទាំងនេះត្រូវបានផ្ទុកក្នុង OP_RETURN ដែលត្រូវបានហៅថា Runestone។ តើ Etching និង Minting នៅលើ Bitcoin គឺជាអ្វី? ការបង្កើត RUNES ក្នុង Bitcoin ត្រូវបានគេហៅថា Etching និង Minting ដោយអ្នកប្រើប្រាស់អាចបង្កើតកាក់របស់ខ្លួនបាននៅក្នុង Bitcoin ជាមួយនឹង Protocol មួយនេះ។ Bitcoin Runes Ecosystem ប្រព័ន្ធអេកូរបស់ Bitcoin Runes រួមមាន Tokens, Launchpads, Marketplaces និង Wallets។

ប្រភព: CoinGecko

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap