ប៉ុន្មានថ្ងៃនេះ Bitcoin បានជួបប្រទះនឹងការធ្លាក់ចុះតម្លៃជាប់ៗគ្នាហើយកាលពីម្សិលមិញ Bitcoin បានធ្លាក់ចុះក្រោមតម្លៃ $57,000 ច្រើនជាង 5 ដង រួចមកបានកើនឡើងតម្លៃមកវិញ។ បន្ទាប់ពីមានការកើនឡើងនិងធ្លាក់ចុះនៅតម្លៃ $57,000 ក្រុមហ៊ុន 10x Research បានបង្ហាញរបាយការណ៍ថាតម្លៃជាមធ្យមនៃការទិញចូល Bitcoin Spot ETF នៅសហរដ្ឋអាមេរិកគឺប្រហែល $57,300 ហើយតម្លៃមួយនេះអាចក្លាយជាតម្លៃគាំទ្រដ៏សំខាន់សម្រាប់តម្លៃ Bitcoin បច្ចុប្បន្ន និងនៅថ្ងៃខាងមុខ។ ទោះបីជាយ៉ាងណាក៏ដោយ អ្នកវិភាគនៅធនាគារ Standard Chartered បាននិយាយថា បន្ទាប់ពីតម្លៃ Bitcoin បានធ្លាក់ចុះក្រោម $60,000 វាអាចនឹងធ្លាក់ចុះបន្ថែមទៀតដល់ចន្លោះពី $50,000 ទៅ $52,000។ លើសពីនេះទៀត Bitcoin Spot ETF របស់សហរដ្ឋអាមេរិកបានជួបប្រទះការលក់ចេញសុទ្ធសម្រាប់រយៈពេលប្រាំថ្ងៃជាប់ៗគ្នា ហើយតម្លៃទិញលក់ជាមធ្យមគឺក្រោម $58,000 ។ Bitcoin Spot ETF របស់សហរដ្ឋអាមេរិកបានបង្កើតកំណត់ត្រាថ្មីនៃលក់ចេញសុទ្ធសម្រាប់រយៈពេលប្រាំមួយថ្ងៃជាប់ៗគ្នា ដែលមិនមែនជាព័ត៌មានល្អសម្រាប់តម្លៃ Bitcoin ។ គិតត្រឹមពេលនេះ តម្លៃទ្រព្យសកម្មសរុបនៃ Bitcoin Spot ETF គឺ 47.72 ពាន់លានដុល្លារ ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap