Terra Classic បានកើនតម្លៃ 30% ក្នុងមួយថ្ងៃហេតុអ្វីបានជាតម្លៃ $LUNC មានការកើនឡើងខ្លាំង ?
CamboSwap
2023-06-05
744 View
ប្រភព: Finbold
Terra Classic (LUNC) គឺជាខ្សែសង្វាក់ដើមនៃប្រព័ន្ធអេកូឡូស៊ី Terra (LUNA)។ តាមការអាប់ដេតចុងក្រោយនេះ $LUNC កំពុងជួញដូរនៅក្នុងតម្លៃ $0.0001083 ដែលឆ្លុះបញ្ចាំងពីការកើនឡើងគួរឱ្យកត់សម្គាល់ 28.59% ក្នុងរយៈពេល 24 ម៉ោង។
ការកើនឡើងនេះត្រូវបានគេសន្មតថាដោយសារតែមានការទិញយ៉ាងច្រើនដោយមានការទិញជាង 138 លានដុល្លារទៅលើរូបិយប័ណ្ណគ្រីបតូមួយនេះក្នុងរយៈពេលត្រឹមតែមួយថ្ងៃ នេះបើយោងតាមទិន្នន័យ CoinMarketCap។
ការកើនឡើងគួរឱ្យកត់សម្គាល់នៅក្នុងតម្លៃនៃ $LUNC បានធ្វើឱ្យវាក្លាយជារូបិយប័ណ្ណគ្រីបតូដែលត្រូវបានជួញដូរច្រើនបំផុតដោយ $LUNC បានជាប់ចំណាត់ថ្នាក់ទី 7 នៅក្នុងបរិមាណនៅលើទីផ្សារ Spot របស់ Binance ។
តើកត្តាដែលធ្វើអោយ $LUNC មានការកើនឡើង ការកើនឡើងនៃ $LUNC គឺបន្ទាប់ពីមានព័ត៌មាននៃការធ្វើសំណើរ Upgrade v2.1.0 ទៅលើប្លុកឆេនTerra Classic ដែលធ្វើឱ្យគេមានការចាប់អារម្មណ៍យ៉ាងខ្លាំងទៅលើគម្រោង $LUNC។ ហើយនេះគឺជាការ Upgrade ទី 3 ដ៏ធំចំពោះប្លុកឆេន Terra Classic ។ គួរកត់សម្គាល់ថាការ Upgrade Terra Classic ប្លុកឆេនមានគោលបំណងធំមួយគឺដើម្បីអាចធ្វើការស្របគ្នាជាមួយប្លុកឆេនផ្សេងទៀតរួមទាំង Terra 2.0 និងខ្សែសង្វាក់ Cosmos។ ការ Upgrade v2.1.0 នាំមកនូវលក្ខណៈពិសេស និងការកែលម្អជាបន្តបន្ទាប់។ ក្នុងនោះ Validators នឹងទទួលបានកម្រៃជើងសាយ៉ាងហោចណាស់ ៥% ដើម្បីសម្រួលដល់សំណង។ បន្ថែមពីលើការ Upgrade ប្លុកឆេន Terra Classic ។ សហគមន៏ក៏សម្រេចចិត្តដុតបំផ្លាញរូបិយប័ណ្ណគ្រីបតូ $LUNC ដើម្បីបង្កើនអ្នកប្រើប្រាស់នៅលើបណ្ដាញ។ ទន្ទឹមនឹងនេះ Terra Classic ក៏ត្រូវបានបន្តការគាំទ្រពីអង្គភាពល្បីៗដូចជា Binance និងទីផ្សារជួញដូររូបិយប័ណ្ណគ្រីបតូផ្សេងទៀតផងដែល។
