ទីផ្សារគ្រីបតូបច្ចុប្បន្នកំពុងស្ថិតនៅក្នុង Sideway​​​ បន្ទាប់ពី Bitcoin បានខិតជិតតម្លៃ $60,000 យ៉ាងខ្លីកាលពីថ្ងៃសុក្រសប្តាហ៍មុន Bitcoin បានបន្តប្រែប្រួលក្នុងនៅក្នុងចន្លោះតម្លៃ $60,000 ទៅ $ 62,000 ខណៈពេលដែល Ethereum ក៏កំពុងព្យាយាមរក្សាតម្លៃនៅ $ 2,900 ។ សប្តាហ៍នេះ ប្រធាន Fed លោក Jerome Powell នឹងធ្វើការថ្លែងសុន្ទរកថា ហើយទិន្នន័យអតិផរណា CPI និង PPI របស់សហរដ្ឋអាមេរិកសម្រាប់ខែមេសា ក៏នឹងត្រូវបានចេញផ្សាយផងដែរ ដូច្នេះវិនិយោគិនសូមប្រុងប្រយ័ត្នចំពោះការប្រែប្រួលតម្លៃទីផ្សារគ្រីបតូ។ នៅក្នុងសប្តាហ៍នេះ វិនិយោគិននឹងផ្តោតលើចំណុចសំខាន់ពីរ៖ 1.សុន្ទរកថារបស់ប្រធាន Fed លោក Jerome Powell៖ ការថ្លែងសុន្ទរកថារបស់លោក Jerome Powell ដែលនឹងក្លាយជាចំណុចសំខាន់នៃការជះឥទ្ធិពលទៅលើទីផ្សារ។ វិនិយោគិននឹងយកចិត្តទុកដាក់លើការកត់សម្គាល់របស់គាត់ដើម្បីយល់ពីទិសដៅនៃគោលនយោបាយរូបិយវត្ថុរបស់សហរដ្ឋអាមេរិក។ 2. ទិន្នន័យ CPI និង PPI របស់សហរដ្ឋអាមេរិកសម្រាប់ខែមេសា៖ សន្ទស្សន៍តម្លៃទំនិញប្រើប្រាស់ (CPI) និងសន្ទស្សន៍តម្លៃអ្នកផលិត (PPI) នឹងត្រូវបានចេញផ្សាយជាបន្តបន្ទាប់ ទិន្នន័យទាំងនេះនឹងប៉ះពាល់ដោយផ្ទាល់ទៅលើទីផ្សារ ប្រសិនបើទិន្នន័យ PPI និង CPI នៅតែខ្ពស់ វាមានន័យថាអត្រាការប្រាក់ខ្ពស់អាចបន្តក្នុងរយៈពេលវែងជាងនេះដែលអាចនាំមកឱ្យតម្លៃទីផ្សារមានការធ្លាក់ចុះ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap