កាលពីថ្ងៃចន្ទ ម្សិលមិញ គណៈកម្មការមូលបត្រអាមេរិក (SEC) បានដាក់ពាក្យបណ្តឹងប្រឆាំងនឹងក្រុមហ៊ុន Binance និងនាយកប្រតិបត្តិក្រុមហ៊ុនលោក Changpeng Zhao (CZ) ។ បណ្តឹងនេះបានចោទប្រកាន់ថា Binance បានដំណើរការជួញដូរដែលមិនបានចុះបញ្ជី និងធ្វើការផ្លាស់ប្ដូរមូលនិធិរបស់អ្នកវិនិយោគទៅកាន់អង្គភាពជួញដូរដែលគ្រប់គ្រងដោយ CZ។ យោងតាមពាក្យបណ្តឹង Binance បានព្យាយាមជៀសវាងការត្រួតពិនិត្យបទប្បញ្ញត្តិដែលត្រូវបានរចនាឡើងដើម្បីការពារវិនិយោគិននិងទីផ្សារទាំងមូល។ ហើយបណ្ដឹង​នេះ​ត្រូវ​បាន​ដាក់​នៅ​តុលាការ​សហព័ន្ធ​ក្នុង​ទីក្រុង Washington, D.C។ នៅក្នុងពាក្យបណ្ដឹង SEC បាននិយាយថាក្នុងនោះដែលក៏មានកាក់គ្រីបតូចំនួន 10 បន្ថែមទៀតបានបំពាននឹងច្បាប់មូលបត្រ។ យោងតាមឯកសាររបស់តុលាការសហព័ន្ធ SEC បានចាត់កាក់គ្រីបតូ SOL, ADA, MATIC, FIL, ATOM, SAND, MANA, ALGO, AXS និង COTI ជាមូលបត្រ ហើយបានធ្វើការដាក់់ពាក្យបណ្ដឹង។ ពាក្យបណ្តឹងនេះបានធ្វើឱ្យមានផលប៉ះពាល់យ៉ាងខ្លាំងចំពោះតម្លៃរូបិយប័ណ្ណគ្រីបតូ រួមទាំង bitcoin និង altcoins ផ្សេងទៀត។ ដែលតម្លៃ bitcoin ថ្មីៗនេះបានធ្លាក់ចុះដល់ប្រហែល $25,445 ធ្លាក់ចុះជិត 4 % ក្នុងរយៈពេល 24 ម៉ោងកន្លងមក។ ការធ្លាក់ចុះនេះបានកើតឡើងក្នុងរយៈពេល 2 ម៉ោងបន្ទាប់ពីមានការប្តឹងរបស់គណៈកម្មការមូលបត្រអាមេរិក (SEC) ទៅនឹង Binance ។ ការប្តឹងតវ៉ា ការកើនឡើងនៃការលក់ និងសេចក្តីថ្លែងការណ៍របស់ SEC ដែលចោទប្រកាន់រូបិយប័ណ្ណគ្រីបតូផ្សេងទៀតថាជាមូលបត្រ ក៏បានបង្កើតការភ័យខ្លាច និងភាពមិនច្បាស់លាស់នៅក្នុងទីផ្សារផងដែរ។ ហើយមូលធននីយកម្មទីផ្សាររូបិយប័ណ្ណគ្រីបតូក៏បានធ្លាក់ចុះ 3.57% ក្នុងរយៈពេល 24 ម៉ោងកន្លងមក។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap