គម្រោង Ethereum Layer 2 zkSync និង Polyhedra ថ្មីៗនេះមានជម្លោះយ៉ាងខ្លាំងចំពោះការប្រើប្រាស់ Symbol Name "ZK" ដូចគ្នា។ កាលពីថ្ងៃសុក្រ zkSync បានបញ្ជាក់ជាផ្លូវការថា Symbol Name របស់ខ្លួនគឺ "ZK" ប៉ុន្ដែ Polyhedra បានប្រើ Symbol Name នេះរួចហើយនៅក្នុងគម្រោងរបស់ខ្លួន។ ប្រតិកម្មរបស់ Polyhedra ទៅលើ zkSync ជាការឆ្លើយតប គម្រោង Polyhedra បានសម្តែងការមិនពេញចិត្តរបស់ខ្លួនជាសាធារណៈនៅក្នុងការបង្ហោះនៅលើវេទិកា X ដោយថ្កោលទោសយ៉ាងខ្លាំងចំពោះ zkSync ចំពោះការឆក់យកលេខ Symbol របស់ខ្លួន ដោយហៅអាកប្បកិរិយានេះថា "ការគំរាមកំហែង - Bully" ។ Polyhedra បានសង្កត់ធ្ងន់ថា ZK គឺជា Symbol របស់ខ្លួន ហើយពួកគេប្រឆាំងយ៉ាងម៉ឺងម៉ាត់ចំពោះអាកប្បកិរិយាអយុត្តិធម៌នេះ ហើយជឿថាសហគមន៍ Web3 គួរតែជាកន្លែងនៃភាពយុត្តិធម៌ មិនមែនជាបរិយាកាសដែលបង្កើតការគំរាមកំហែងនោះទេ។ Polyhedra បានអំពាវនាវនៅលើទីផ្សារកុំឱ្យគាំទ្រការប្រព្រឹត្តិខុសឆ្គងបែបនេះហើយបានប្តេជ្ញាថានឹងជាអ្នកការពារយុត្តិធម៌។

ប្រតិកម្មរបស់សហគមន៍ ទោះបីជាមានសេចក្តីថ្លែងការណ៍ខ្លាំង របស់ Polyhedra ក៏ដោយ សមាជិកមួយចំនួននៃសហគមន៍រូបិយប័ណ្ណគ្រីបតូ គឺមិនយល់ស្របលើសកម្មភាពបែបនេះទេ។ មនុស្សជាច្រើនបានចង្អុលបង្ហាញថា Polyhedra បានផ្លាស់ប្តូរ Symbol របស់ខ្លួនពីរដងដោយដំបូងឡើយគឺប្រើ ZKbridge (ZKB) និងក្រោយមកទើបប្ដូរទៅZK ។ ហើយ zkSync បានបញ្ជាក់យ៉ាងច្បាស់តាំងពីដំបូងថាខ្លួននឹងប្រើ ZK សម្រាប់ Symbol Name របស់ខ្លួនដូច្នេះសមាជិកមួយចំនួននៃសហគមន៍មានអារម្មណ៍ថាប្រតិកម្មរបស់ Polyhedra គឺខ្លាំងពេក។ អ្នកប្រើប្រាស់ X ម្នាក់បានបញ្ចេញមតិថា៖ « Polyhedra និយាយអំពី​យុត្តិធម៌ ប៉ុន្តែ​ខ្លួនជា​ឧក្រិដ្ឋជន​ពិត​ប្រាកដ»។ ហើយបានបន្ថែមថា "Polyhedra គឺជាឈ្មោះ Brand របស់អ្នក ហើយអ្នកអាចជ្រើសរើស Symbol Name ផ្សេងជំនួសឱ្យការប្រើ ZK មិនមែនមកយកឈ្មោះដូចគម្រោងរបស់គេទេ" ។ ការតាមដានបន្ទាប់អំពីករណីនេះ បច្ចុប្បន្ន zkSync មិនទាន់បានធ្វើការឆ្លើយតបជាផ្លូវការចំពោះករណីនេះទេ។ ទោះជាយ៉ាងណាក៏ដោយជម្លោះនេះបានទាក់ទាញការយកចិត្តទុកដាក់យ៉ាងទូលំទូលាយនៅក្នុងសហគមន៍ cryptocurrency ។ Exchange Bybit បានប្រកាសថា Symbol Name "ZK" របស់ zkSync នឹងជាផ្នែកមួយនៃការចុះបញ្ជីនាពេលខាងមុខ ហើយគ្រោងនឹងកែតម្រូវ Symbol Name របស់ Polyhedra នៅលើវេទិការបស់ខ្លួន។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap