ទិន្នន័យសន្ទស្សន៍តម្លៃទំនិញប្រើប្រាស់ចុងក្រោយ (CPI) ដែលចេញផ្សាយដោយការិយាល័យស្ថិតិការងាររបស់សហរដ្ឋអាមេរិក បានបង្ហាញថា CPI បានទាបជាងការរំពឹងទុករបស់ទីផ្សារ ទិន្នន័យនេះបានជំរុញឱ្យរូបិយប័ណ្ណគ្រីបតូ និងភាគហ៊ុនរបស់សហរដ្ឋអាមេរិក មានការកើនឡើង។ ទោះជាយ៉ាងណាក៏ដោយ ធនាគារកណ្តាលអាមេរិក (Fed) បានប្រកាសថា ខ្លួននឹងរក្សាអត្រាការប្រាក់ដដែល។ ជាពិសេសផែនការចំណុចអត្រាការប្រាក់ចុងក្រោយរបស់ FOMC បានបង្ហាញថា អាចមានការកាត់បន្ថយអត្រាការប្រាក់តែមួយដងប៉ុណ្ណោះក្នុងឆ្នាំនេះ ដែលខុសពីការរំពឹងទុកនៅខែមីនា ដែលរំពឹងថាអាចមានការកាត់បន្ថយអត្រាការប្រាក់ដល់ទៅ 3 ដង។

អតិផរណាថយចុះ ប៉ុន្តែមិនគ្រប់គ្រាន់ដើម្បីគាំទ្រដល់ការកាត់បន្ថយអត្រាការប្រាក់ទេ ប្រធានធនាគារកណ្តាលលោក Jerome Powell បាននិយាយនៅក្នុងសន្និសីទសារព័ត៌មានក្រោយកិច្ចប្រជុំថា របាយការណ៍ CPI ខែឧសភា គឺល្អប្រសើរជាងការរំពឹងទុក និងបង្ហាញពីនិន្នាការនៃអតិផរណាដែលធ្លាក់ចុះ។ ទោះជាយ៉ាងណាក៏ដោយ លោក Powell បានសង្កត់ធ្ងន់ថា បើទោះបីជាទិន្នន័យអតិផរណាមានភាពប្រសើរឡើងនាពេលថ្មីៗនេះក៏ដោយ ក៏ត្រូវការកត្តាជាច្រើនទៀតដើម្បីបង្កើនទំនុកចិត្តក្នុងដំណើរការប្រយុទ្ធប្រឆាំងនឹងអតិផរណា ដូច្នេះមិនមានលក្ខខណ្ឌណាមួយដើម្បីគាំទ្រដល់ការកាត់បន្ថយអត្រាការប្រាក់នោះទេ។ ការប្រែប្រួលតម្លៃរូបិយប័ណ្ណគ្រីបតូ ជាមួយនឹងការចេញផ្សាយទិន្នន័យ CPI ដែលអាចនាំឱ្យ FED កាត់បន្ដយអត្រាការប្រាក់បានធ្វើឱ្យតម្លៃទីផ្សារគ្រីបតូបានមានការកើនឡើង​ ប៉ុន្តែបន្ទាប់ពីកិច្ចប្រជុំ FOMC ការរំពឹងទុកនៃការកាត់បន្ដយអត្រាការប្រាក់នៅខែវិច្ឆិការ បានធ្លាក់ចុះដល់ 56.7% ។ ជាលទ្ធផលតម្លៃនៃ Bitcoin បានប្រែប្រួលយ៉ាងខ្លាំងដោយធ្លាក់ចុះយ៉ាងខ្លាំងពីកម្រិតខ្ពស់ $ 69,944.80 មកត្រឹម $67,397 នៅពេលសរសេរ។ ហើយតម្លៃរបស់ Ethereum ក៏ត្រូវបានប៉ះពាល់ផងដែរ ដោយម្តងបានធ្លាក់ចុះក្រោម $3,600 និងឈានដល់អប្បបរមា $3,505.07។ សម្រាប់ការជួញដូរ Future/Margin នៅក្នុងទីផ្សារគ្រីបតូមានការខាតបង់ដល់ 228 លានដុល្លារអាមេរិក យោងតាមទិន្នន័យពី Coinglass ក្នុងរយៈពេល 24 ម៉ោងចុងក្រោយនេះ នៅក្នុងទីផ្សាររូបិយប័ណ្ណគ្រីបតូ សម្រាប់ការជួញដូរ Future/Margin មានការខាតបង់លើសពី 228 លានដុល្លារអាមេរិក ដែលក្នុងនោះមុខការបញ្ជារទិញ Long មានចំនួន 146.53 លានដុល្លារ ហើយមនុស្សជាង 67,978 នាក់ត្រូវបានដាច់ Account។

រូបភាពបន្ថែម ៖

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap