អត្ថបទនេះបានធ្វើការសង្ខេបអំពីអត្ថបទរបស់សហស្ថាបនិក Binance He Yi ដែលបានបកស្រាយអំពីយុទ្ធរកលុយបែប Smart Money ក្នុងអំឡុងពេល Bull Market នៅឆ្នាំ 2017, 2021 និង 2023។ នៅឆ្នាំ 2017 គឺជាយុគសម័យ ICO ហើយការរៃអង្គាសប្រាក់សាធារណៈបានជំនួសដោយផ្ទាល់នូវ VC និង PE ដូច្នេះហើយទីផ្សារគោ (Bull Market ) នៅឆ្នាំ 2017-18 ដរាបណាអ្នកបានចូលរួមនៅក្នុង ICO អ្នកអាចរកលុយបាន។ ជាមួយនឹងការកើនឡើងនៃ Defi នៅឆ្នាំ 2021 ទីផ្សារជាក់ស្តែងបានចាប់ផ្តើមធ្វើពិពិធកម្ម (Diversify) អ្នកអាចរកលុយបានដរាបណាអ្នកបានដើរលឿនជាងគេ។ រលកនៃការកើនឡើងនៅឆ្នាំ 2024 ត្រូវបានចាប់ផ្តើមដោយ Bitcoin ETF រលកនៃ Smart Money នេះជាកម្មសិទ្ធិរបស់គម្រោងល្បីៗ និង Studio ដែលបានធ្វើការ​ Farm Airdrop ពួកគេសហការគ្នា និងបង្កើតរលកនៃទិន្នន័យដ៏ស្រស់ស្អាតជាមួយគ្នា ដោយម្ចាស់គម្រោងបានលុយពី VCs ជាច្រើនដែលធ្វើឱ្យគម្រោងទាំងអស់នេះបានចាប់ផ្ដើមជាមួយតម្លៃខ្ពស់។ ម្យ៉ាងវិញទៀតម្ចាស់គម្រោងមានទាំងលុយ និងអ្នកប្រើប្រាស់ដូច្នេះម្ចាស់គម្រោងពោរពេញដោយទំនុកចិត្ត ហើយនៅលើសង្វាក់របស់ពួកគេ មានអ្នកប្រើប្រាស់រាប់លាននាក់ វាមិនមានបញ្ហាទេ ប្រសិនបើវេទិកា CEX ណាមួយមិនឱ្យ Listing ពីព្រោះសព្វថ្ងៃនៅមាន CEX ច្រើនទៀត ទោះប្រសិនបើគ្មាន CEX នៅតែមាន Dex នៅលើខ្សែសង្វាក់ជាច្រើន ។ He Yi បានបញ្ជាក់ថាវេទិកាជួញដូរ (CEX) មិនមានអំណាចក្នុងការកំណត់តម្លៃទេ ដូច្នេះសម្រាប់គម្រោងដែលមានការវាយតម្លៃខ្ពស់ វិនិយោគិនត្រូវមើលទៅលើមូលដ្ឋានគ្រឹះ មិនត្រូវមើលតែតម្លៃទីផ្សារប៉ុណ្ណោះទេ ប៉ុន្តែថែមត្រូវឆែកមើលទាំងបរិមាណចរាចរផងដែរ។ សព្វថ្ងៃនេះជាការពិតដែលទីផ្សារបានផ្លាស់ប្តូរម្តងទៀត។ ការសហការគ្នា រវាង Studio និង គម្រោង Layer 2 ល្បីៗដែលជា​យុគសម័យ​ការ Farm Airdop អាច​នឹង​ឈាន​ដល់​ទី​បញ្ចប់។ បច្ចុប្បន្ននេះមានអ្នកលេងអាជីពកាន់តែច្រើនទាំងនៅក្នុងទីផ្សារបឋម និងទីពីរ ពួកគេមានឧបករណ៍ផ្សេងៗដើម្បីការពារហានិភ័យ ប៉ុន្តែពួកគេក៏បានពង្រីកទំហំទីផ្សារផងដែរ។ឮ បច្ចុប្បន្ននេះក្នុងនាមជាអ្នកវិនិយោគធម្មតា ការប្រើប្រាស់យុទ្ធសាស្រ្ត ICO ក្នុងឆ្នាំ 2017 IEO នៅឆ្នាំ 2021 និងការ Farm Airdrop ក្នុងឆ្នាំ 2023 មិនស័ក្តិសមសម្រាប់ទីផ្សារសព្វថ្ងៃទេ។ សេចក្តីសង្ខេប នៅក្នុងវដ្ត Bull Market នីមួយៗនឹងមានយុទ្ធសាស្រ្ដ Smart Money ខុសៗគ្នា ពីមុនមាន ICO , IEO ឬ Farm Airdrop ប៉ុន្ដែបច្ចុប្បន្ន យុទ្ធទាំងអស់នេះមិនសាកសមប្រើនៅក្នុងទីផ្សារបច្ចុប្បន្នទៀតទេ ដោយសារតែមាន VC ​ឬ គម្រោងល្បីៗជាច្រើនបានអនុវត្តយុទ្ធសាស្រ្ដទាំងអស់នេះរួចហើយ ដូច្នេះអ្វីដែលវិនិយោគិនគួរធ្វើគឺសិក្សារបន្ថែមដើម្បីចាប់យកឱកាស Smart Money នាពេលខាងមុខ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap