បន្ទាប់ពីគណៈកម្មការមូលបត្រអាមេរិក (SEC) មានការប្តឹង Binance និងនាយកប្រតិបត្តិរបស់ Binance លោក Changpeng Zhao កាលពីថ្ងៃទី 5 SEC បានវាយប្រហារយ៉ាងខ្លាំងម្តងទៀតនៅថ្ងៃទី 6 ហើយបានធ្វើការប្តឹង Coinbase នៅតុលាការសហព័ន្ធញូវយ៉ក ដោយចោទប្រកាន់ Coinbase ថាជាការជួញដូរមូលបត្រដែលមិនបានចុះបញ្ជី។ រងផលប៉ះពាល់ដោយព័ត៌មាននេះភាគហ៊ុន Coinbase បានធ្លាក់ចុះជាង 12% បើសិនជាបូកបញ្ចូលការធ្លាក់ចុះនៅថ្ងៃចន្ទ 9% ទៀតមានន័យថាភាគហ៊ុន Coinbase បានធ្លាក់ចុះជាង 20% ក្នុងរយៈពេលពីរថ្ងៃកន្លងមកនេះ។

គួរកត់សម្គាល់ថាមានពាណិជ្ជករម្នាក់បានរកចំណូលបានរាប់លានដុល្លារបន្ទាប់ពី Short ភាគហ៊ុន Coinbase មុនពេល Coinbase ត្រូវបាន SEC ប្ដឹង។ យោងទៅតាមរបាយការណ៏របស់ unusual whales : មួយថ្ងៃមុនពេល SEC បានប្តឹង Coinbase ពាណិជ្ជករម្នាក់បានចំណាយលុយ $107,000 ដុល្លារ ដើម្បីទិញការ Short ភាគហ៊ុនប្រចាំសប្តាហ៍របស់ Coinbase ។ នៅពេលនោះ តម្លៃភាគហ៊ុនរបស់ Coinbase គឺមានតម្លៃលើសពី 50 ដុល្លារ ខ្ពស់ជាងតម្លៃទីផ្សារសព្វដង។ ប៉ុន្ដែបន្ទាប់ពី SEC បានប្តឹង Coinbase តម្លៃភាគហ៊ុនរបស់ Coinbase បានមានការធ្លាក់ចុះយ៉ាងខ្លាំងនៅថ្ងៃទី 6 ដោយបានធ្លាក់ចុះទាបបំផុតត្រឹម $46.43។ ដែលធ្វើអោយពាណិជ្ជករម្នាក់នេះរកចំណូលបានរាប់លានដុល្លារ ផលចំណេញរបស់គាត់បាន 2572% ដែលប្រែលុយរបស់គាត់ពី 10មុឺដុល្លារ ទៅជារាប់លានដុល្លារ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap